Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|2 Timoteo 4:1| Pigoya, Karaisiti Isu aeba aoganta kinape purinta kinape aꞌyigitatakiye. Piyama, aeba tumpa aborama kabiratakenaenaga napima ae aobipe Koti nkaobipe naeba esegi kamanapa mayama ugamuwe:
-
|2 Timoteo 4:2| Kaeba mono kamanaꞌwapa uma aborao. Piya, wasanami abikena piginape, kampa abikena piginapeba aꞌyaꞌma yaga kaeba yokege puma monopa uma aborao. Kaeba esegi kamana uma intawamapa aseyo puwaitamagina, aguntaenawaika kamana uwaitamagina, igupa asiwaitagini Kotipa aegaraiyo. Piyama, aꞌyaꞌma yagaba pasema yoga puwaitama aogima ibubasanao.
-
|2 Timoteo 4:3| Piya, ka kana arosakanapa, wasanamipa arupu kamana maesanagaba kampa ibikiye. Kampaye. Piyama, igeba igebinti antunta uwakena tisa kina aki puma iba pigini, igebi nkiyobi kamanapa nigiꞌma ukibewe.
-
|2 Timoteo 4:4| Aibigini, igeba taga kamana abikenagaba ikabitama, tonarona aꞌyugu amani kamana kiꞌi nasikibewe.
-
|2 Timoteo 4:5| We, kaeba kampaye. Aꞌyaꞌma yaga kaega parutu kagi napiyo. Kaeba kuntaenaba aesagabo. Eya, aogi kamanapa aborakena yugaba puma, mono yugagampa nkauꞌpa aogima aborano. Poro kanaꞌwapa arosantiye
-
|2 Timoteo 4:6| Pigoya, nae nau Kotiti muta atakena kanapa arosasu pegi, mampaba atakena puwe.
-
|2 Timoteo 4:7| Naeba agasigasi pukenaenaba aogima puntuwe. Eya, naeba keꞌnempa nkatuta ago kanamagi, namatitiꞌenanempa kampa antage potauwe.
-
|2 Timoteo 4:8| Piya, ibaba arupuyenama nkantotaꞌena taminonki natakena yokege pumagina, agogo yagaba Waꞌega, arupu kamana ukena yagaramaba, aeba namikiye. We, naeꞌmana nane. Aꞌyaꞌma ae irosakibitaka ibugai kina, igeke kaga imikiye. Nagarikena kamanane
-
|2 Timoteo 4:9| Pigoya, kaeba karuꞌena naetiba kanao.
-
|2 Timoteo 4:10| Piya, Timasiba aeba mampabisaenaga abugaogana nagasima Tesaronaika kumati wantiye. Keresenisiba aeba kanara puma Karesiya mari waogana, Taitasiba aeba Tarimesiya mari wantiye.
