Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|2 Timoteo 3:1| Pigoya, ma kamanapa aogima abo: Agogo yagaba uwaena kuntaenaba aborakiye.
-
|2 Timoteo 3:2| Piya, pabi ntagaba wasanamiba igeꞌwai nki asagayuyigina, mone kutaka ibugakini, paebuta nasima, igebigoꞌena pumagini, kamanapa akayasumagini, ino ibagi kamanapa akayuma, kampa iꞌmupa puma, aota mikenaenaba akayumagini,
-
|2 Timoteo 3:3| iyoꞌena kampa puma, imoꞌenawaipa kampa kasimagini, akaya kamanapa uta nasima, iꞌama ntapiyenarapa kampa kabima mimagini, wasanaba ata puwaitama, aogiyenamapa kama potamagini,
-
|2 Timoteo 3:4| iyokinaꞌmipa minagaꞌena puwaitamagini, kampa napinta karuꞌena kamparagaena pigina, igebigoꞌenawaimpaba anosakini, Kotikaba kampa napiyigina ari itasaenaga ibegini,
-
|2 Timoteo 3:5| mono iga puma mima agowama nkesegiyenaba ikabitakibewe. Piyama miyiginapa igama kakabitao.
-
|2 Timoteo 3:6| Piya, kaꞌisa piya kinaꞌmiba igebi nkiyobi kamana uma aibo wayaꞌmi ntamapinti ubaiꞌmagini, napiyenawaipa igaꞌna puwaitawe. Piya waeꞌmiba aguntaenawaika kuntaena napiyegana intawamapisa tonaronama ibai puta nasegini,
-
|2 Timoteo 3:7| igeba tonarona kinaꞌmi kamana abima, taga kamanaꞌama nkagowapa kampa abikena pewe.
-
|2 Timoteo 3:8| We, paipa Yanisige Yampirisige Mosesepa kama potantamesa puma, kana kinaꞌmiba taga kamanapa kama potawe. Piya, igewai ntapiyenaba abararantaꞌena pegina imatitiꞌenawaipa agoꞌenaba piye.
-
|2 Timoteo 3:9| Piya pepa, pintanawaipa agorapa kampa kakawakiye. Kampaye. Piya, pai Yanisige Yampirisige aiboꞌenawaisipa agantasa puma, kana kinaꞌmi nkaiboꞌenawaipa aꞌyaꞌma kinaꞌmi nkiyobi aborakini agakibewe. Koti kamanata arakuregana kabigatano
-
|2 Timoteo 3:10| Pigoya, kaeba agonepa aogima agantane. Piya, tisaena yuganepe, nasikenaenanepe, mikenaenanempa kipe, namatitiꞌenanepe, paebuma mikenaenanepe, agu kaoꞌenanepe, asima esegima mikenaenanepe,
