Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|1 Pedro 1:1| Nae Pita, Isu Karaisiti nkaposoro yagarawa ntawe. Piya, tigepa kamaena puritama tigarubauguri maripa kaitegiri, Pontasi maribe, Karesiya maribe, Kapatosiya maribe, Esiya maribe, Pitiniya maribe uminta kinaꞌmititi, ma nkisapa kaeyuwe.
-
|1 Pedro 1:2| Piya, taba Koti utaritaogiri aeꞌwantana aborantane. Aeba yogana Awamusaꞌamaba: Isu Karaisiti kamana wasima korankatasa aeguse puma paititaiyoma, utaritama aota puritantine. Piya, tigetiba awagaenabe paruyenabe waiyabaꞌmita iyeno. Koti nkeꞌwasaenamaba mantabinti taobi piye
-
|1 Pedro 1:3| Pigoya, Isu Karaisiti Waꞌegarempa nkaba Koti, ae agegaꞌe asagayuyeno. Piya, aeba tabera antara puratama, Isu Karaisiti purintapisa asitanti ntugarasa waiyaba kumaka aobi piyoma, taumarepa kasaꞌena yakari puratantiye.
-
|1 Pedro 1:4| Piya, pi maekubompe kumapa kampa abararama, kampa ataena puma, paisa kantaba kampa pukiye. Piya, Kotiba pi kumapa taeꞌena taobi puma kabirataye.
-
|1 Pedro 1:5| Piya, taeba Kotiti tamatiti pompeka esegiyenawatasa kabirataye. Eya, agogo yaga wasanami nkiyobi tauꞌikibika kabirataye.
-
|1 Pedro 1:6| Tigeba pika tiꞌmu piyo. We, mampara tonarona makaga makaga pekana tikinaki pukibintanaba uwaena yaganto aꞌya wakiye.
-
|1 Pedro 1:7| Piya, kori yabapa mampabisaenawe. Pipa wasanama yakupi kaema iꞌninkapa aeyobaꞌma agowapa aboramisa puma, kuntaenaripa timatitiꞌenama nkagoripa aborarimiye. We, timatitiꞌenarimpaba koriba asugasaye. Piya, Isu Karaisiti aborakibi ntagaba pika tigegaꞌe maete ima asagayuma aꞌmu puritakiye. Pika ibanto kuntaenaripa aboraye.
-
|1 Pedro 1:8| Piya, tigeba Isu nkaowarapa kampa aganta, agu kaoꞌena potawe. Kampa aganta, timatiti potamagiri agasiyama tiꞌmu potawe. Pi tiꞌmuntanamaba tiwamupisaba kampa asugasawe. Kampaye. Aeba tabera asugaintiye.
-
|1 Pedro 1:9| Piya, timatitiꞌenarimpa nkauꞌwapa pipa timankama nkiꞌikenaenawe.
-
|1 Pedro 1:10| Pigoya, paipa poropete kinaꞌmiba awagaena aborarimikibi ntanagaba uma aborantane. Pi nkagoba napimagini: Ayamabaya iꞌikiyema, napima mare-u me-u puntane.
