Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|1 Pedro 1:21| Piya, aeꞌwa ntugarasa tigeba Kotitiba timatiti pewe. Eya, Kotiba Karaisitipa purintapisa asitama tabe agigaꞌeba amintika, tigeba Kotitiba timatiti puntiri, aeti atokaekenaga aobi pewe. Monoꞌama tabage puntiye
-
|1 Pedro 1:22| Piya, tigeba taga kamanapa wasikenaenarasa tiguꞌamapa narentare puma, mono kinaꞌmipa taga agu kaoꞌena puwaitawe. Pigoya, tigeba tintabaipisa tiyoꞌmipa agu kaoꞌenaba esegima puwaitaiyo.
-
|1 Pedro 1:23| Tigeba mampabisa abara yamankatasa wanane. Waiyabaꞌenarasa kasa kina aboraritantine. Eya, Koti kamana, aoso sima waiyaba kamanatasa aboraritantine.
-
|1 Pedro 1:24| Pika mono isaꞌamaba maya iye:Aꞌyaꞌma wasanamiba kabuyena kanta pegana, iwaꞌenawaimpaba kabuyenama nkaosa kanta piye, iye.Piya, kabuyenaba asa wagina, aosawampaba aibarara puwaye, iye.
-
|1 Pedro 1:25| Pigoya, Waꞌegawama kamanapa waiyabane, iye. Piya, pi kamanapa uriminta aogi mono kamanane.
