Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|1 Juan 2:1| We, uwaena yakarantontonempitaba, aꞌyugu aguntaena pusanaga tigeti ma kamanapa kaeyuwe. Piya, kaꞌwainaba aguntaena pukibemipa tabarempa Koti nkaobi aoꞌmaema akaꞌi pukena yagaraba aeti mikiye. Pi aoꞌmaenta yagara aeba arupu yagara Isu Karaisitiwe.
-
|1 Juan 2:2| Aeba tae aguntaenare maeragaikena yugaba aesagabintiye. We, tabintoreka wanane. Aeba aꞌyaꞌma maga maga kinaꞌmikegaba kaga aesagabintine.
-
|1 Juan 2:3| Pigoya, Koti unti kamanapa wasiyompe kinaꞌmitaba, taeba: Taga taoꞌena potaune, yokana, tagantana piye.
-
|1 Juan 2:4| We, kaꞌwainaba: Naeba Kotipa naoꞌena potauwe, umagina Koti unti kamanapa kampa wasiyipa, pi ntagaraba aeba kumpari yagara miyegina, taga kamanaꞌamaba kampa antabaipintiba waiye.
-
|1 Juan 2:5| Piya, Koti kamana wasiyiꞌnaba aeba Kotiti agu kaoꞌena potagina anosaye. Taeba piya pokana anosagi, taeba: Kotiti atokaema miyune, yokana, tagantana piye.
-
|1 Juan 2:6| Eya: Aeti atokaema mima nasuwe yemiꞌnaba Karaisiti nasisa puma naseno. Eꞌwasaenama nkauꞌwapa aborama kayonenabi mpiyiyo
-
|1 Juan 2:7| We, nabugai ntaoꞌmitaba, ma kamana ago tigeti kaeyopa, kasa kamanapa kampaye. Marusa kamana pai maenta, pi kamana kaeyuwe. Pi kamanapa ago abita kananta kamanane.
-
|1 Juan 2:8| We, ma kamana ago iba tigeti kaeyopa, pipa kasaꞌena kanta piye. Piya, Karaisiti ntugarasabe tige yugarasabe pi kamanaꞌama nkauꞌwapa aogima aboraye. Eya, tununtanaba aꞌya wakena pegina, taga eꞌwasawamaba aborama taye.
-
|1 Juan 2:9| Piya, kaꞌwaina aeba: Eꞌwasaenabi mpiyuwe, umagina aoꞌyagaraba ata anta paritamipa, aeba tununtanabi mpiyi ntagarawe.
-
|1 Juan 2:10| Piya, to kaꞌwaina aeba aoꞌma agu kaoꞌena potamiꞌnaba aeba eꞌwasaenabi mpimagina, agisa aimisaꞌma wareꞌnakenaenaba kampa aboraye.
