Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|1 Juan 2:11| We, aoꞌmaka ata anta paritamiꞌnaba, aeba tununtanabi mpima tununtanabinti nasimagina, tununtanamaba aotikaetagina aeba kekaba aiboꞌnabo piye.
-
|1 Juan 2:12| We, uwaena yakarantontonempitaba, Karaisiti ntugarasa Kotiba aguntaenaripa maerigasagi, tiyoꞌmaekenaga naeba ma kamanapa tigeti kaeyuwe.
-
|1 Juan 2:13| Nabagitaba, pai uwa mita kananti ntagaraba tiyoꞌena potaga, tiyoꞌmaekenaga ma kamanapa tigeti kaeyuwe. Masimabi kinaꞌmitaba, tigeba ataenama nkagowamapa asugasaga, tiyoꞌmaekenaga ma kamanapa tigeti kaeyuwe. Araga yagaramitaba, tigeba tabapa tiyoꞌena potaga, tiyoꞌmaekenaga ma kamanapa tigeti kaeyuwe.
-
|1 Juan 2:14| We, nabagitaba, pai uwa mita kananti ntagaraba tiyoꞌena potaga, tiyoꞌmaekenaga ma kamanapa tigeti kaeyuwe. Masimabi kinaꞌmitaba, tigeba esegima asima mintagana, Koti kamanaꞌamaba tintabaipinti ago uwaiyegini, tigeba ataenama nkagowamapa asugasaga, tiyoꞌmaekenaga ma kamanapa tigeti kaeyuwe. Mampabisaenamapa taeba tagupa a-nkameno
-
|1 Juan 2:15| Pigoya, magabe mampabisaenagabe a-tibugano. Piya, kaꞌwaina aeba magaba abugamipa, aeba tabapa kampa abugaye.
-
|1 Juan 2:16| Piya, aꞌyaꞌma mampara aboraintanaba pipa mampabisaenawe. Eya, tantabaipisa kupiyona tabugaintanabe, tao iyeꞌena puma tabugaintanabe, tau maete ima tagebigoꞌena pompentanabe, pintanaba tabatisaba kampa aboraye. Kampaye. Pipa mampabisaenawe.
-
|1 Juan 2:17| Piya, mampabisaenaba aꞌya wakana, aeꞌwa abugaintanabe kaga aꞌya wakiye. We, Koti nkabemintana wasiye kinaꞌmiba miyaba mikibewe. Karaisiti kama kinapa ago aborawaye
-
|1 Juan 2:18| We, araga yagaramitaba, ma kanapa pabigo aꞌya wakena piye. Piya, Karaisiti kama kinaꞌwaka pai abintapa, pabigo aborakena piye. We, ibaba uwaena Karaisiti kama pota kinaꞌmiba aboraga, pika napima ma kanapa aꞌya wakena piyema, abune.
-
|1 Juan 2:19| Piya, pi kinaꞌmiba ago tagasawe. Paipa taege ka kinapa igeba kampa mintantane. Eya, igeba ka kina taege mintantasinta, taege mimagini kampa tagasasine. Piya, igeba ago tagasaga, taeba agowaipa agaompepa, aꞌyaꞌma pi kinapa taege ka kinapa kampaye.
-
|1 Juan 2:20| We, tigeba aotane. Aota Awamusaꞌamaba paititantika, aꞌyaꞌma napiyenarintaga kina mintawe.
