Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
Setani fu Jesu biesirinoema ijene
-
|Lucas 4:1| Maza ije Joni fu Do Jodeni ijia Jesu do ruorama furikoga Kavene Akae fu arina Jesu niro areme fune mesirina ae sao ijia vae.
-
|Lucas 4:2| Areme Setani fune mu foti (40) ijiege Jesu biesirinoe. Ro maza ije fu ae sao ijia finoema ije ire bino fu naebe i ijadufuo fuka vasia mukoreigia oe.
-
|Lucas 4:3| Areme Setani fu kekena Jesu kuae, A vierafega ane ma Godido Farikuma ni mune gure kuaga fu una ire burete rega a kena ino kuae.
-
|Lucas 4:4| Setani fu ijiege kuarae rove Jesu fu una kuae,Godido buki akae bu isoeva ijia fu kuae, Barubara bube maza boeje burete ijiaru inoeke. Ro buka Godido vua ijiaru vierafena renoekono kuae.
-
|Lucas 4:5| Areme Setani fune una Jesu mesirina nafare ireobo be ijadufuo kubi ijia ajia vae. Fu ijia ajia mani areme uri aesakae irore boege e mamekanu binobino bu samuagiavo ijiakiro ire boeje nijae.
-
|Lucas 4:6|[6-7] Areme fune una Jesu kuae, Ire boege a giaema ije nare daro none ijia samuagiavo. Ijadufuo a na augesana baname isoena aroriekuma na kuaga are ire boege samuagiakono kuae.
-
|Lucas 4:7|
-
|Lucas 4:8| Rove Jesu fu una kuae, Isuibe buki akae bu isoeva ijia Godi fu kuae,Janika E Ireobo Godi jone ijiaru fuone augesana baname isoena aroriekinu fuefuo imenoeno kuae.
-
|Lucas 4:9| Areme Setani fune una kuke Jesu mesirina va Jerusareme Godido Are ireobo bu saeva kubi ijia nujae. Fu ijia ajia manikoga Setani fu kuae, A vierafega ane ma Godido Farikuma ni umakoena ume gamia arine.
-
|Lucas 4:10|[10-11] Ijadufuo maeje isuibe buki akae bu isoeva ijia Godi fu kuae,Godire anera fuone boeje kiaga bu a samuagake. Ijadufuo a umakoekuma bure dabena ari vakuma sakaedo ijia nujaga abe arina oe kananamike. Ro kuke dia one ije abe kena mune ijia nizukiakono kuae.
