Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
Vame ise ije arena una Godido vame ijia kenoedufuo ijene
-
|Lucas 13:1| Jesu fu vua ijiege kuariama furikoga e bino bu urina izege Faereti fu e Gareriko Godido zinone ifaejevo ije fu kaniaema ijene Jesu kuarae.
-
|Lucas 13:2| Bu vua ije kuaravoga Jesu fu una kiae, Ro ja vierafega bu bure buosukua ise ma uruvana rekiro e Gareriko gue bu baki?
-
|Lucas 13:3| Na ige kuariako ni fiefo. Ije fuka ma baki. Ro ja ise jone boeje ja renoejo ije ja naebe arena una oe kuderiakuva e boeje jadua jaka bu oeva ijiege oedufuo.
-
|Lucas 13:4| Ro kuke ja e etini (18) ije bu are Saerome ijia oeva ije ja izege vierafei? E ije bu are ije bu tore ijia matuana saeva ijare tuana umafiamo bu oe. Ijadufuo ja vierafega bu e ijiebe buosukua ise ka uruvana rekiro e boeje Jerusareme guove ijia kariva ije bu baki?
-
|Lucas 13:5| Ije fu baki ijadufuo ja naebe vame ise jone ja renoejo ije arena una oe kuderiakuva jadua jaka bu oeva ijiege oekono kiae.
-
Jesu fu ine ije fu fo naebe kiraema ijia mena kuariaema ijene
-
|Lucas 13:6| Areme Jesu fu una kuke vua be ijiege mena kuariae. Fu kiae, E be fu ine be nafena juare fuone ijia oe. Areme maza boeje fu va ine ije gaga fu fo kirae ro fu baga fu ije gakiro vake.
-
|Lucas 13:7| Rove ine ije fu fo kiramo baki ijadufuo fu una e juare fuone samuamo ije kuae, Na juaevasia inokubeke na ine ige gana unamunae rove fuka naebe fo kirame. Ijadufuo na vierafe ine ije fume ijia manina sakae gue fure iraraemo ijadufuo nika ufu dabe akoeno kuae.
-
|Lucas 13:8|[8-9] Fu ijiege kuaramoga e ije juare samuamo ije fu una kuae, E ireobo ni juaevasia besu igiaru are fu ijia manine. Fu manike nase amaerikinu sakae akozane. Areme ni juaevasia be una ro gaga fu fo kirakuma ije fune mare ro fu bakuma ni ufu akoeno kuae.
-
Jesu fu mazani ije e Jiusi bu mauike karina Godi baname isoevo ijia bara ije kenujaema ijene
-
|Lucas 13:9|
-
|Lucas 13:10| Areme Jesu fune maza ije e Jiusi bu mauike karina Godi baname isoevo ijia e Jiusi ijiebuo are bu afuina vua kuaevo ijia aruna vua nijasiame.
