Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
|Lucas 20:21| Ijadufuo e ije bu sikiaeva ije bune va Jesu fino ijia usiaena kuae, E Nijasiamo no vierafega vua one a e ige kuariakinu nijasiamo ije aka mukoreigia renoene. Ro kuke aka e bino jumemo baki ro ame zinune oenoekinu Godido vua maeje ijiakiro vame maeje izege e bu kenoedufuo a ijene kuariame.
-
|Lucas 20:22| Ijadufuo a vierafega akae nuvuone ijia fube maredo no e Romukobuo e ireobo ijadufuo takesi rekuva ni are kuaruoga no fieno kuae?
-
|Lucas 20:23| Rove Jesu fune giaga bu biesirivoga fu kiae,
-
|Lucas 20:24| Ni moni sunine be abe nijasie na gano kiae. Fu ijiege kiamoga bu abena nijaevo fu kiae, Ja vierafega uikubae igiakiro ive ige isoeva ije fu eradono kiae? Ro e ije bu una kuae, Fu Sisa e Romukobuo e ireobo ijadufuono kuae.
-
|Lucas 20:25| Bu ijiege kuaravoga fu kiae, Ire ize ja giaga bu Sisadokuva ni kena una Sisa vajafo. Ro ize bu Godidokuva ni kena una Godi vajano kiae.
-
|Lucas 20:26| Ijadufuo bu e boeje ijiebuo nidua ijia una vua binobino ijia fu biesirikuvega buka jaediamo bu ijia arei. Ijadufuo maeje bu vua ije fu una kuariaema ije fievo fuka oeseradiamo bume mauike karina vua fuone ijiaru fiejae.
-
Bu e ije bu oena una urivo ijadufuo duna Jesu kuaraeva ijene
-
|Lucas 20:27|[27-28] Areme maza be e Sejusi gue bu Jesu gakuae ruae. (Ro e ije bu vierafega e ije oevo ije bu una urivo baki). E ije bu ruoma fu fino ijia usiaena kuae, E Nijasiamo, Mosisi fu akae be nuvuefuo ijiege isoe. Ro akae ije fu kuae, E fari be erare fu bara be abe rove fu naebe ame bino tuanaga fu baronekuma uvia fuone fuka bara amune ije abekina fure uvia fuone ijadufuo ame tuanano kuae.
-
|Lucas 20:28|
-
|Lucas 20:29| Ijadufuo ame gaegi seveni ije ame boga ijare bara abe rove ame bino fu naebe tuanae ro fume baronei.
-
|Lucas 20:30|[30-32] Fu baronekoga uvia fuone be fu bara amune ije fuse abena ame bino naebe tuanae ro fune kuke baronei. Areme ame iviene fudua fune bara ije abena ame bino fu naebe tuanae ro fume baronei. Ame gaegi seveni ije bu vame besu ijiege rena bara besu ijene abe rove ame bino bu naebe tuanae. Ro bume oe furikoga rade bara ije fudua fu baronei.
