Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
Jesukiro uviarafa fuone ijene
-
|Juan 7:1| Areme rade Jesu fune aesakae Gareri ijia oenoekinu e ije vua nijasianoe ro fu naebe una sakae Judia ijia oenoekiro vierafei. Ijadufuo maeje Jiusi e mamekanu ije bu fu kanakuae samuana kariva ijadufuo fu ijiege rei.
-
|Juan 7:2|[2-3] Ro maza ije e Jiusi bu iro ina una asaerafa ije izege bu isuibe ae sao ijia are muvuaka sana karinoeva ije vierafevo ije fune ivuare. Ijadufuo Jesudo uviarafa ije bune uri Jesu kuae, Are ige a oenoeno ije arekiro urina gamia Judia ijia vane. A va ijia ire sumiki ige a renoeno ije gue ijia rega e vua one fievo bu giane.
-
|Juan 7:3|
-
|Juan 7:4| A igia sauina fikuma e are irore boege bu izege a ma vierafekuva baki. Ijadufuo a vierafe e boeje bu a gana ma vierafekuva ni urina una gamia Judia e uruvana bu afuina iro ijo ijia va ire sumiki ije rega bu gano kuae.
-
|Juan 7:5| Ro vua ije bu Jesudo uviarafa ijiebe ijiege kuarae rove budua bu Jesu ma vierafevo baki.
-
|Juan 7:6| Ijadufuo Jesu fu una kiae, Jaeje ja maza binobino e bu iro ikuae afuivo ije maza bino ja va ro bino ja arevo ije fune marei. Rove naeje na maza none fu naebe abema ijadufuo nabe vake.
-
|Juan 7:7| Ro igia fie, e ume igeko ije jaeje bu ziegafiavo baki ro naeje buka ziegafiekinu ijuonevo. Ijadufuo maeje na ise buone bu renoejo ije samadukua visuna kuariavo ijadufuo bu na ijiege revo.
-
|Juan 7:8| Ijadufuo ni jare iro ijia vakiro naeje nabe vuake. Ijadufuo maeje maza none fu naebe abemano kiae.
-
|Juan 7:9| Jesu fu ijiege kuariana areme fune mu sibaneke Gareri ijia finoe.
-
Jesu fu iro ijia vaema ijene
-
|Juan 7:10| Areme Jesudo uviarafa ije bune Judia iro ije bu ivo ijia vakoga fu mauike rade nuvediana vae.
