Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
|Juan 7:31| Rove e ije afuiva ijia e uruvana buka fu ma vierafei. Areme bu una bue kuaevo, No vierafe E Ije bu isuibe kuae fu ruakono kuaeva fu ruakuma fube ire sumiki bino e gare fu rema ije asina rekono kuae.
-
Bu e juo karijo ije kiavo bu Jesu tokuae ruaeva ijene
-
|Juan 7:32| Areme E Ferisi ije bu e ijiebe vua ijiege Jesusina kuaevoga bu fie. Ijadufuo bu urina e mamekanu Godido zinone ifaejevo ijena e juo karijo gue kiavo bu Jesu tokuae ruae.
-
|Juan 7:33| Bu rovoga Jesu fu urina kiae, Naeje na maza sibaneke igia oenoena areme nane una Godi e ije fu kiemo na ruaeva ijadufuo vake.
-
|Juan 7:34| Ro na vakuva jaka uri na rerieke rove ja giekuva baki. Ijadufuo maeje ja are na vako ijia jabe vuakono kiae.
-
|Juan 7:35| Rove e Jiusi ije bu vua ije fiena una bue kuaevo, E ije fu izia vakuveno ijadufuo fu vakuma nobe gake? Fubite fu uri e Gurikibuo sidove ije e Jiusi bu kariva ijia E Guriki ije vua nijasiake vake?
-
|Juan 7:36| Fu kuae fu vakuma noka uri fu rereke rove nobe biekono kuae. Ro kuke no are fu fino ije nobe vakono kuaema ije fu irerefuo ijiege kuaemano kuae?
-
Do ije bu ina ma karivako ijene
-
|Juan 7:37|[37-38] Areme maza ka ireobo be bu iro ina furikuvejo ijia Jesu fu urina e ije urukeigia aramaziae. Fu aramaziana kumei, E be erare do duaejoga ni none roga na do ijano kumei. Ijadufuo maeje isuibe Godido buki akae ijia bu vua be ijiege isoena kuae, Eranebe bu na ma vierafekuva do ije fu bu ifejiaga bu ma karivadufuo ije fu oe buone ijia abiesekono kumei.
-
|Juan 7:38|
-
|Juan 7:39| Ro Jesu vua ije fu do ijadufuo kumema ije fu Godido Kavene ije eranebe bu ma vierafena abedufuo fu ijadufuo kumei. Rove maza ijia bu Godido Kavene bu naebe abei ijadufuo maeje Jesu fu naebe baronena una uri are sanaema fuone kave gufia ijia vae.
-
E ije bu dabe atana guegue reiva ijene
-
|Juan 7:40| Areme e boeje bu ijia afuiva ijia e uruvana gue bu Jesu vua ije fu ijiege kuaema ije fie. Ijadufuo bu kuae, E ije no vierafega fune ma e Godido vua vierafena kuaemo ijeno kuae.
