Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
Jesu fu Soru kenujaema ijene
-
|Hechos 9:1| E Firifi fu ijiege renoekoga maza ijia e Soru fuduaku fuka e Jesu ma vierafevo ije kaniakiro renoe. Ijadufuo fu va e zinone ifaejevo ijiebuo e ireobo ije gae.
-
|Hechos 9:2| Fu gana kuae, Ni fasi be isoena miega na abena va are Damasikasi ijia e Jiusi e mamekanu ije miane. Na miaga bu kie na e bara ro baru Jesudo vame ije nuvenoevo ije reriana toenamia una igia Jerusareme rono kuae.
-
|Hechos 9:3|[3-4] Areme Soru fune are Damasikasi vakiro vako ijia saroruba kave gufia sanakoga e Soru fuka nimanimoga fu tuana ume ijia dije. Areme fu ijia nana fieke e be fu kume, Soru, Soru, a irerefuo vame ise ije none remono kumei.
-
|Hechos 9:4|
-
|Hechos 9:5| Fu ijiege kumenoga Soru fu una kume, E Ireobo aeje a erareno kumei? Ro fu una kume, Na Jesu e ije a vame ise none remo ijene.
-
|Hechos 9:6| Ijadufuo ni urina are Damasikasi ijia vaga e be ijia fino fu irere a redufuo ijene kuarano kumei.
-
|Hechos 9:7| E Soru fu vua ije fiekoga e ije fuina vako ije budua bu vua ije fie rove e maeje buka naebe gae. Ijadufuo bu vua bino naebe kuae ro bume ijia irei.
-
|Hechos 9:8| Areme Soru fune una urina ni nafae rove ire bino fuka naebe giae ijadufuo bu umui kena mesiri are Damasikasi ijia vae.
-
|Hechos 9:9| E Soru ni fuone fu ijiege iseremoga mu inokubeke irekiro do ije bino fu naebe i.
-
|Hechos 9:10| Areme e Damasikasiko be ive fuone Ananaeasi fu Jesu ma vierafemo ije fu ijia fino. E ije fu nimamaena gake E Ireobo fu kume, Ananaeasino kumemo fu una gue kuae, E Ireobo na igifurekino kuae.
