Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
Firikisi fu Foru mesiri koto rema ijene
-
|Hechos 24:1|[1-2] Areme mu umui fague furikoga e Godido zinone ifaejevo ijiebuo e ireobo Ananaeasi fune ruoma are Sesaria ije kekei. E ije fune e aeko ijiebuo e mamekanu ijiakiro e Teturasi e ije akae samuamo ije kaenamiana ijia usiae. Areme bune va Foru mesirina dabe e ireobo Firikisido are ijia aruna koto buone ije rei. Bu Teturasi kumevo fu aruna Forudo vua ije kuae. Ro vua ije fu Forusina kuaema ije fu ijiege,E ireobo aeje aka e ma ijadufuo a no mukoreigia samuague. Ijadufuo juaevasia uruvana noka naebe bijaekinu zienaminoe ro noka mukoreigia kafaena kari ruae. Ro kuke are no ifejuona vame maeje no ma karivo ije bino a aesakae nuvuone igia rei.
-
|Hechos 24:2|
-
|Hechos 24:3|Ijadufuo no are iziebure no oenoejo ije noka oefuo kuaekinuro maza boeje noka one ireobo oemarevo.
-
|Hechos 24:4|Ro iviama nobe maza one dabe arafirina vua jiamadogo kuarake. Ijadufuo a isekie nime oemarekinu fina vua nuvuone aokube no kuarakuvejo ige fiene.
-
|Hechos 24:5|[5-8] No e ige no gaga fuka ire ise boeje renoekinu e Jiusi aesakae boegia karinoeva ije vua ise kuariakoke buka una bue bijaekinu madinamive. Ro fuje fu e bino bu kia Nasarineno kiavo ijiebuo e ireobo be. Ro kuke fuka Godido Are ijia aruna are ije dabe arafirikiro remoga no ijadufuo toe. Ijadufuo no vierafe noka fu dabe una akae nuvuone ijia koto rekuae kuae. Rove fu e Romuko ijiebuo e ireobo e Raesiasire kiamo bu aruna mesirina una igia one ruae. Ro vua ige no kuaravo ije no ma kuara ro no kufuimevo ije a sone vua fuone fu kuaemo ijia fiena ma vierafekono kuae.
-
|Hechos 24:6|
-
|Hechos 24:7|
-
|Hechos 24:8|
-
|Hechos 24:9|E Teturasi fu ijiege e ireobo Firikisi kuaramoga e Jiusi boeje budua buka uri e Teturasi vua fu kuaemo ije ifejae. Bu kuae, E Teturasi vua ije fu kuaemo ije fu ma kuae. Foru fuka ma ijiege isema renoeno kuae.
-
|Hechos 24:10| Areme e ireobo Firikisi fune Foru umui ijia kuamoga fune urina vua fuone ije ijiege zinuevei. Fu kua, Na vierafe aka juaevasia uruvana akae ije samuana e aesakae igia kariva bu ise revo ije koto buone fiemo. Ijadufuo ivia naka oemarekinu nidua one igia manina vua none ije kuaeke.
