Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
E Godi ma vierafevo gue ifejiadufuo ijene
-
|2 Corintios 9:1|[1-2] Na vierafe jaka e Godi ma vierafevo are Jerusareme ijia sinuome baki kariva ije ifejiakuae vierafei. Ijadufuo na una vua ijia bino nabe isoena kuarake. Na joefuo naka aroekarakinu e are Mesedonia kariva ije kuariae. Na kia e are Akaea ijia kariva ije bune juaevasia furima ijia zinuivena e ifejiakuae kanafuivano kiae. Ijadufuo e uruvana budua buka ifejiakuae vierafei.
-
|2 Corintios 9:2|
-
|2 Corintios 9:3| Ro iviama na e kairafa nuvuone ije uniaga bu ijia vuake. Bu vuako ijia bu ire ije no joefuo aroekaraeva ije bu ijia giadufuo. Ro e ijiebe ifejiaga ja ire ije ja e ifejiadufuo na kuariaeva ije kanafuina samuadufuo.
-
|2 Corintios 9:4| Ro e bino bu are Mesedonia igia naena ijia vuakuva bu giaga ja naebe mukoreigia samuaejokuva ja ro no noka ireobo jaeduodufuo.
-
|2 Corintios 9:5| Ijadufuo na vierafe na kairafa nuvuone ige kiaga bu ude ijia vuake. Bu ijia vuaekina bu ja ifejiaga ja moni uruvana ja e ifejiadufuo kuaeva ije kanafuina samuakega no sone rade vuadufuo. Ro ja naebe samuaeva ijia no vuaga ja uri migegire vajuokuva ije no vierafe ja oemarekinu vajuokuva baki.
-
Oemarekinu vajiavo ijene
-
|2 Corintios 9:6| Ro ni vua ige na kuariakuvejo ije mukoreigia fiena vierafefo. E ije fu juare uruvana meno ije fu ire uruvana masina karike. Ro e ije fu juare sibaneke meno ije fu ire sibaneke karike.
-
|2 Corintios 9:7| Ijadufuo erare fu e bino ifejiakiro vierafekuma funika fuone izege fu oemaremo ijia moni e vajiadufuo. Ro fude vierafero bu kiekievo ijadufuo naka vajiakiro ijiege vierafemo. Ijadufuo maeje Godi fu e ije erare fu oemarekinu vajiamo fu ije ireobo oetuamo.
-
|2 Corintios 9:8| A ijiege rekuma Godi fu maza boeje ire ije a naema ije ado ijia bino kuke vajake. Fu vajaga a ire boeje a vierafema ije a ijia kekina maza boeje a una e gue ifejiadufuo.
-
|2 Corintios 9:9| Ro vua ijadufuo ije bune isuibe buki akae ijia ijiege isoena kuae,E ma ije fu maza boeje oemarekinu e ije sinuome baki ije ifejiamo. Fu maza boeje vame maeje ijiege renoeno ijadufuo e bu fuefuo una Godi oemarejakono kuae.
-
|2 Corintios 9:10| Ro igia fie, Godire e ije juare meno ije uije vajaga fu omo. Ro kuke fure ifejaga ire uije fu omo ije bu mukoreigia tavuana duivo. Ijadufuo vame besu ijiege Godire ire binobino fu vajiaga ja kevo ijadufuo ado ijia una ire uruvana vajiaga ja una kuke e gue ifejiadufuo.
