Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
Foru fu i fuone fu meno ije vafaema ijene
-
|2 Corintios 10:1| E gue bu kuae na maza gue jaena fivo ije naka vua soneigia kuaria. Ro maza ije na naebe jaena fivo ije naka vua gikikimana kuariavono kuae. Rove na Kuraesi izege fu oe vafaena kabuaekabuaeki rema na ijiege rena vua soesoegi ja kuariakuveje.
-
|2 Corintios 10:2| Na vierafe na vuakuva nabe vua gikikimana ja kuariadufuo. Ro na vierafe naka e ije bu kuaevo noeje no e ume igeko bu kenoejo no ijiege kenoejono kuaevo na e ijene vua gikikimana kuariake.
-
|2 Corintios 10:3| Ro ije fune ma noeje no e gue bu ume igia karinoevo no ijiege karinoeve. Rove noeje no e ije bu Godi naebe ma vierafevo bu ume igia karina bijaenoejo ijiege bijaekuae vierafenoevo baki.
-
|2 Corintios 10:4| Ro kuke sinuome ije no kena bijaenoejo ije bu sinuome ije e ume igeko bu kena bijaenoejo ijieki ije fu baki. Ro sinuome ije bu Godido sinuome ka daro. Ijadufuo no ijare kena Setani azi ije fu ubuna fino ije faraekorenoevo.
-
|2 Corintios 10:5| Ro kuke no sinuome ijare kena e ije bu aroekarana vua kufuimekinu Godido vierafe ije dabe buzeinoevo ijiebuo vua ije kaniatuanoeve. No Godido sinuome bijaevo ijare kena iraraenoekinu e ijiebuo oe ije kega bu una kuderiana Jesu irinana vame fuone ije nuvevo.
-
|2 Corintios 10:6| Ro no oenoekinu giaga ja Jesu Kuraesido vua ije jane mukoreigia iriniavo gakuva no e ije bu naebe vua fuone iriniavo ije kame isekafiake.
-
|2 Corintios 10:7| Ro ja no guovo ije ja guoga noka e mamoeki ijadufuo maeje jame vajae surive nuvuone ijiaru guove. Ijadufuo ebe erare fu ijia kuaeko no nuvuosukua no Jesu Kuraesido eno kuaekuva ije ni vierafero noduaku no Jesu Kuraesido e.
-
|2 Corintios 10:8| Ijadufuo noka E Ireobo daro fuone fu no vajuema ijadufuo ireobo aroekarave. Ro daro ije fu vajuema ije no ja arafiriadufuo baki ro noka ifejiaga jaka daro abedufuo. Ijadufuo naka daro ije fu ja vajiaema ijadufuo oemarekinu aroekarave.
-
|2 Corintios 10:9| Ro fasi ige na isoena nijiavo ije ja jumekiro na ije isoe nijiavo baki.
-
|2 Corintios 10:10| E gue bu kuae, Forudo fasi ije buka daroki ro kuke fuka vua maeje ijia isoe. Ro maza ije fu noena igia fino ije fuka e azuigi ro kuke vua fuone fuka ma bakino kuae.
