Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
МагӀарул мацӀ 
-
|Juan 6:51| Дун вуго зобалаздасан рещтІараб ва чІаголъи кьолеб чед. Гьеб чед кварав чи абадул абадиялъ чІаго вукІина. Дица гьесие кьезе бугеб чед - гьеб буго гьаб гІалам чІаго букІине гІоло кьезе бугеб дир Черх.
-
|Juan 6:52| Гьебмехалъ ягьудиязда гьоркьоб кІудияб дагІба ккана жиндирго черх кинин гьас нилъее кваназе кьолебилан.
-
|Juan 6:53| ГІисаца гьезда абуна: - ХІакълъун абулеб буго дица нужеда: ГІадамил Лъимадул Черхги квинчІони, гьесул Биги гьекъечІони, нужер гІумру букІине гьечІо.
-
|Juan 6:54| Дир Черхги кварав, дир Биги гьекъарав чиясе абадияб гІумру буго. Къиямасеб къоялъ дица гьев чІаголъизавила.
-
|Juan 6:55| Дир Черх буго хІакъаб квен, дир Би буго хІакъаб жа.
-
|Juan 6:56| Дир Черх кванарав ва дир Би гьекъарав чи дилъ вукІине вуго, дунги гьесулъ вукІине вуго.
-
|Juan 6:57| Щайгурелъул ЧІагояв Эмен - Аллагьас витІарав дун гьесдалъун чІаго вугев гІадин, дир Черх кванарав чи дидалъун чІаго вукІина.
-
|Juan 6:58| Гьеле гьединаб буго зобалаздасан рещтІараб чед. Нужер умумуз кванана чед ва гьел хвана. Амма гьаб чед кванарав чиясе абадияб гІумру буго.
-
|Juan 6:59| Гьеб хабар ГІисаца бицана Капернаумалъул синагогаялъуб.
-
|Juan 6:60| Гьеб рагІидал, ГІисал гІемерисел муридаз цоцазда абуна: - Гьединаб жо букІине рес гьечІо! Лъица гьеб къабул гьабилеб? - ан.
