Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Modern Hebrew Bible: Tanakh 
-
|Levítico 1:1| ויקרא אל-משה; וידבר יהוה אליו, מאהל מועד לאמר:
-
|Levítico 1:2| דבר אל-בני ישראל ואמרת אלהם, אדם, כי-יקריב מכם קרבן ליהוה; מן-הבהמה, מן-הבקר ומן-הצאן, תקריבו את-קרבנכם:
-
|Levítico 1:3| אם-עלה קרבנו מן-הבקר, זכר תמים יקריבנו; אל-פתח אהל מועד יקריב אתו, לרצנו לפני יהוה:
-
|Levítico 1:4| וסמך ידו, על ראש העלה; ונרצה לו לכפר עליו:
-
|Levítico 1:5| ושחט את-בן הבקר לפני יהוה; והקריבו בני אהרן הכהנים את-הדם, וזרקו את-הדם על-המזבח סביב, אשר-פתח אהל מועד:
-
|Levítico 1:6| והפשיט את-העלה; ונתח אתה לנתחיה:
-
|Levítico 1:7| ונתנו בני אהרן הכהן אש על-המזבח; וערכו עצים על-האש:
-
|Levítico 1:8| וערכו, בני אהרן הכהנים, את הנתחים, את-הראש ואת-הפדר; על-העצים אשר על-האש, אשר על-המזבח:
-
|Levítico 1:9| וקרבו וכרעיו ירחץ במים; והקטיר הכהן את-הכל המזבחה, עלה אשה ריח-ניחוח ליהוה: ס
-
|Levítico 1:10| ואם-מן-הצאן קרבנו מן-הכשבים או מן-העזים לעלה; זכר תמים יקריבנו:
