Tua Palavra

|Ester 4:1| ומרדכי, ידע את-כל-אשר נעשה, ויקרע מרדכי את-בגדיו, וילבש שק ואפר; ויצא בתוך העיר, ויזעק זעקה גדלה ומרה:

|Ester 4:2| ויבוא עד לפני שער-המלך; כי אין לבוא אל-שער המלך בלבוש שק:

|Ester 4:3| ובכל-מדינה ומדינה, מקום אשר דבר-המלך ודתו מגיע, אבל גדול ליהודים, וצום ובכי ומספד; שק ואפר, יצע לרבים:

|Ester 4:4| ותבואינה (ותבואנה) נערות אסתר וסריסיה ויגידו לה, ותתחלחל המלכה מאד; ותשלח בגדים להלביש את-מרדכי, ולהסיר שקו מעליו ולא קבל:

|Ester 4:5| ותקרא אסתר להתך מסריסי המלך אשר העמיד לפניה, ותצוהו על-מרדכי; לדעת מה-זה ועל-מה-זה:

|Ester 4:6| ויצא התך אל-מרדכי; אל-רחוב העיר, אשר לפני שער-המלך:

|Ester 4:7| ויגד-לו מרדכי, את כל-אשר קרהו; ואת פרשת הכסף, אשר אמר המן לשקול על-גנזי המלך ביהודיים (ביהודים) לאבדם:

|Ester 4:8| ואת-פתשגן כתב-הדת אשר-נתן בשושן להשמידם נתן לו, להראות את-אסתר ולהגיד לה; ולצוות עליה, לבוא אל-המלך להתחנן-לו ולבקש מלפניו על-עמה:

|Ester 4:9| ויבוא התך; ויגד לאסתר, את דברי מרדכי:

₁₀

|Ester 4:10| ותאמר אסתר להתך, ותצוהו אל-מרדכי: