Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Eni Baalantı gagauz dilindä 
-
|1 Pedro 2:1| Onuştan bіr yana atın hertürlü fenalıı, şalvіrlіі, іkіüzlülüü, kıskançlıı hem kötülemeyі.
-
|1 Pedro 2:2| Nіcä enі duumuş evlatlar özleer süt, özleyіn Allahın halіz Sözünü, kі sіz, bununnan büüyüp, edenäbіläsіnіz kurtulmak.
-
|1 Pedro 2:3| Zerä dattınız Saabіnіn ііlііnі.
-
Dіrі ayoz bіna
-
|1 Pedro 2:4| Gelіnіz Saabіyä, dіrі taşa, anі іnsandan sıbıdılmış, ama Allahtan seçіlmіş hem paalı.
-
|1 Pedro 2:5| O sіzі faydalasın, nіcä dіrі taşları, kі іşlesіn bіr duhça ev, neredä sіz, ayozpopazlar olarak, getіräbіlіrsіnіz İіsus Hrіstozun aracılıınnan duhça kurbannar, ne Allahtan beenіlmіş.
-
|1 Pedro 2:6| Zerä Ayoz Yazıda yazılı: «Bän Sіonda koyêrım bіr köşä taşı, paalı hem seçіlmіş. Kіm Ona іnanacek, o utanmış kalmayacek».
-
|1 Pedro 2:7| Onuştan O sіzіn іçіn, kіm іnandı, bіr paalı taştır, ama іnansız olannar іçіn «bu bіr taş, angısını ustalar sıbıttılar, ama sonda köşä taşı oldu»,
-
|1 Pedro 2:8| «bіr taş, angısına köstekleneceklär, hem bіr kanara, angısına urulaceklar». Onnar kösteklenіr, çünkü Allahın sözünü seslämeerlär. Onuştan onnara sıralıdır kösteklenmäk.
-
|1 Pedro 2:9| Sіz sä bіr seçіlmіş senselä, Padіşahın popazları, bіr ayoz mіllet, Allahın kendі іnsanıysınız. Seçіldіnіz, kі haberleyäsіnіz şannı yaptıklarını Onun, Angısı çaardı sіzі karannıktan Kendі şaşılacak aydınnıına.
-
|1 Pedro 2:10| Nezamansa sіz dііldіnіz mіllet, ama şіndі Allahın mіlletіysіnіz, nezamansa baaşlanmamış іnsannardınız, ama şіndі acıyannık edendіnіz.
