Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
|Marcos 9:1| О деди оннара: «Доору сӧлеерим сизӓ, ани кимиси бурада дураннардан ӧлмейеӂек, гӧрмейинӂӓ Аллахын Падишахлыыны кудретликлӓн гелерӓк».
-
Иисус пейдаланэр метинниктӓ
-
|Marcos 9:2| Алты гӱндӓн сора Иисус алды Петрийи, Иакову хем Иоаны да салт оннары пиндирди бир ӱӱсек байыр ӱстӱнӓ. Орада Иисусун гӧрӱнӱшӱ диишти оннарын гӧзлери ӧнӱндӓ.
-
|Marcos 9:3| Онун рубалары олдулар ак-йалабык, каар гиби. Йоктур колай бу ердӓ бир чамашырӂы бӧлӓ бийазладабилсин.
-
|Marcos 9:4| Оннара пейдаланды Илийа хем Моисей, лафа дурарак Иисуслан.
-
|Marcos 9:5| Петри деди Иисуса: «Ӱӱредиӂи, ии, ки бурадайыз. Йапалым ӱч бордей: бир Сана, бир Моисейӓ, бир дӓ Илийайа».
-
|Marcos 9:6| Башка билмӓрди не лафетсин, зерӓ корктуйдулар.
-
|Marcos 9:7| Гелди бир булут да гӧлгесиннӓн каплады оннары. Булут ичиндӓн ишидилди бир сес, ангысы дейӓрди: «Будур Беним севгили Оолум, Ону сеслейин!»
-
|Marcos 9:8| Ӱӱрениӂилӓр бирдӓн бактылар долайа, башка кимсейи гӧрмедилӓр, Иисустан каарӓ.
-
|Marcos 9:9| Ачан инӓрдилӓр байыр ӱстӱндӓн, Иисус сымарлады, сӧлӓмесиннӓр кимсейӓ, не гӧрдӱлӓр,Адам Оолу дирилмейинӂӓ ӧлӱдӓн.
-
|Marcos 9:10| Оннар бу сымарламайы таманнадылар, ама бири-биринӓ сордулар: «Несой аннамаа „дирилмейинӂӓ ӧлӱдӓн“?»
