Tua Palavra

Дуумактан кӧӧр олан гӧрмӓк еденер

|João 9:1| Иисус, гечӓркӓн, гӧрдӱ бир дуумактан кӧӧр адамы.

|João 9:2| Ӱӱрениӂилери сордулар: «Ӱӱредиӂи, ким гӱнах йапты, ани бу адам дууду кӧӧр, кендиси ми оса бобалары мы?»

|João 9:3| Иисус ӂувап етти: «Гӱнах йапмады не бу адам, не да онун бобалары, ама о бӧлӓ дууду, ки онуннан гӧстерилсин Аллахын ишлери.

|João 9:4| Лӓӓзым Онун, Ким йоллады Бени, ишини йапалым, некадар вакыт гӱндӱз. Зерӓ гелер геӂӓ, ачан кимсей йок насыл ишлесин.

|João 9:5| Некадар вакыт булунэрым дӱннедӓ, дӱннейин айдынныы булунэрым».

|João 9:6| Бу лафлардан сора тӱкӱрдӱ ерӓ, йапты чамур, йаалады бу кӧӧр адамын гӧзлерини чамурлан,

|João 9:7| да деди она: «Гит, йыкан Силоам суйунда». Силоамын аннамасы «йолланмыш». Адам гитти, йыканды да, ачан дӧндӱ геери, гӧзлери гӧрӓрди.

|João 9:8| Комушулар хем инсаннар, ани ӧнӂӓ гӧрдӱйдӱлӓр ону диленӓркӓн, сордулар: «Диил ми о, ани отурарды да диленӓрди?»

|João 9:9| Кимиси дейӓрдилӓр: «О кенди», башкалары дейӓрдилӓр: «Диил, бензеер она», ама адам кендиси дейӓрди: «Бӓн кендимим».

₁₀

|João 9:10| Озаман сордулар она: «Несой ачылды сенин гӧзлерин?»