Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Раатлык, ани Аллах истеер версин инсана
-
|Hebreus 4:1| Аллахын адамасы таа узанэр, ки гирӓбилелим Онун раатлыына. Онуштан, сакыналым, ки биркимсей сиздӓн биртӱрлӱ бу раатлаа етишмесин.
-
|Hebreus 4:2| Зерӓ бизӓ дӓ верилди ии хабер, ниӂӓ дӓ оннара, ама оннара файда олмады сӧзлердӓн, ани ишиттилӓр, зерӓ каблетмедилӓр инаннан.
-
|Hebreus 4:3| Ама биз инанӂылар бу раатлаа гирериз, ниӂӓ О деди: «Бӓн ӱфкейлӓн емин еттим, ани оннар гирмейеӂеклӓр Беним раатлыыма», макар ки Онун ишлери таманнанмышты дӱннӓ курулмасындан.
-
|Hebreus 4:4| Зерӓ бир ердӓ единӂи гӱн ичин бӧлӓ деди: «Динненди Аллах единӂи гӱнӱ хепси Кенди ишлериндӓн».
-
|Hebreus 4:5| Да бунун ичин генӓ деер: «Оннар гирмейеӂеклӓр Беним раатлыыма».
-
|Hebreus 4:6| Ӧлӓ ки кимиси калды, гирсиннӓр бу раатлаа, ама кимӓ ӧнӂӓ ии хабер верилдийди, оннар гирмедилӓр сеслӓмемӓк бетеринӓ.
-
|Hebreus 4:7| Онуштан О енидӓн курэр бир гӱн, ангысы «бӱӱн», ачанДавидин аазыннан лафедер чок вакыттан сора, ниӂӓ ӧнӂӓ денди: «Бӱӱн, еер ишидӓрсениз Аллахын сесини, инатлаштырмайын ӱреклеринизи».
-
|Hebreus 4:8| Еер Йосуа верейди оннара раатлык, Аллах таа сора лафетмейеӂейди бир башка гӱн ичин.
-
|Hebreus 4:9| Онуштан калэр таа бир вакыт, ачан Аллахын инсаны динненеӂек.
-
|Hebreus 4:10| Зерӓ о, ким гирер Аллахын раатлыына, о кенди дӓ динненер кенди ишлериндӓн, ниӂӓ Аллах та динненди Кенди ишлериндӓн.
