Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Селӓм
-
|2 João 1:1| Бӓн, пресвитер, селӓм йоллээрым Аллахтан сечилмиш чорбаӂыйкайа хем онун ушакларына, ангыларыны бӓн хакына северим. Диил салт бӓн, ама хепси, ким таныды аслылыы.
-
|2 João 1:2| Зерӓ аслылык биздӓ йашээр хем херзаман бизимнӓн олаӂэк.
-
|2 João 1:3| Бизимнӓн олаӂэк ииверги, аӂыйаннык, услулук Аллах Бобадан хем Сааби Иисус Христоздан, Бобанын Оолундан, аслылыкта хем севгидӓ.
-
Аслылык хем севги
-
|2 João 1:4| Бӓн пек севиндим, ани булдум кимисини сенин ушакларындан аслылык йолунда гезерӓк, ниӂӓ Бобадан сымарламак каблеттик.
-
|2 João 1:5| Шинди йалварэрым, чорбаӂыйка, — диил ани йазэрым сана бир ени сымарламак, ама ону, не баштан каблеттик, — севелим бири-биримизи.
-
|2 João 1:6| Будур севги, ки биз Онун сымарламакларына гӧрӓ йашайалым. Хем будур сымарламак, ниӂӓ баштан ишиттиниз, ани севги йолунда гезелим.
-
|2 João 1:7| Зерӓ чок алдадыӂы пейдаланды бу дӱннедӓ, ангылары каблетмеерлӓр, ани Иисус Христос гӱӱдейлӓн гелди. Бӧлӓ адамнар — алдадыӂы хем антихрист.
-
|2 João 1:8| Есап алын кендиниз, ки кайбетмейӓсиниз ону, нечин саваштыныз, ама еденӓсиниз бир бӱтӱн баашыш.
-
|2 João 1:9| Ким сырайы басэр да тутунмээр Иисусун ӱӱретмесиндӓн, онда йок Аллах. Ким тутунэр /Христозун/ ӱӱретмесиндӓн, онда вар хем Боба, хем Оол.
-
|2 João 1:10| Ким гелер сизӓ да гетирмеер бу ӱӱретмейи, ону евинизӓ каблетмейин хем селӓмнӓмейин.
