Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Инан Аллахын Оолуна
-
|1 João 5:1| Херкези, ким инанэр, ани Иисус — Христос, Аллахтан дуулмуш, хем херкези, ким север Бобайы, север Ону, Ангысы Ондан дуулмуш.
-
|1 João 5:2| Бунуннан аннээрыз, ани севериз Аллахын ушакларыны, ачан севериз Аллахы, да таманнээрыз Онун сымарламакларыны.
-
|1 João 5:3| Зерӓ будур Аллахы севмӓк: таманнайалым Онун сымарламакларыны. Онун сымарламаклары диил аар.
-
|1 João 5:4| Зерӓ ким дуулмуш Аллахтан, о бу дӱннейи енсеер. Не енсеер бу дӱннейи, бу бизим инанымыз.
-
|1 João 5:5| Ким енсеер дӱннейи, еер диилсейди о, ким инанэр, ани Иисус — Аллахын Оолу?
-
|1 João 5:6| Иисус Христос Одур, Ангысы гелди суйлан хем каннан 1, диил салт суйлан, ама суйлан хем каннан. Дух шаатлык едер бунун ичин, зерӓ Дух вар аслылык.
-
|1 João 5:7| Зерӓ ӱч шаат вар /гӧктӓ: Боба, Сӧз хем Айоз Дух. Буннар ӱчӱ бирдир. Хем ӱч шаат ердӓ вар/.
-
|1 João 5:8| Дух, су хем кан. Буннар ӱчӱ дӓ хеп бир шаатлык едерлӓр.
-
|1 João 5:9| Еер кабледӓрсейдик инсан шаатлыыны, Аллахын шаатлыы таа ӱстӱндӱр, зерӓ Аллахын шаатлыы будур, ани шаатлык етти Кенди Оолу ичин.
-
|1 João 5:10| Ким инанэр Аллахын Оолуна, онда вар Аллахын шаатлыы. Ким инанмээр Аллахы, Аллахы йаланӂы йапэр, зерӓ инанмээр Аллахын шаатлыыны, ани Аллах шаатлык етти Кенди Оолу ичин.
