Tua Palavra

|Jó 24:1| מַדּוּעַ מִשַּׁדַּי לֹא־נִצְפְּנוּ עִתִּים [כ= וְיָדְעוּ] [ק= וְיֹדְעָיו] לֹא־חָזוּ יָמָיו׃

|Jó 24:2| גְּבֻלֹות יַשִּׂיגוּ עֵדֶר גָּזְלוּ וַיִּרְעוּ׃

|Jó 24:3| חֲמֹור יְתֹומִים יִנְהָגוּ יַחְבְּלוּ שֹׁור אַלְמָנָה׃

|Jó 24:4| יַטּוּ אֶבְיֹונִים מִדָּרֶךְ יַחַד חֻבְּאוּ עֲנִיֵּי־אָרֶץ׃

|Jó 24:5| הֵן פְּרָאִים בַּמִּדְבָּר יָצְאוּ בְּפָעֳלָם מְשַׁחֲרֵי לַטָּרֶף עֲרָבָה לֹו לֶחֶם לַנְּעָרִים׃

|Jó 24:6| בַּשָּׂדֶה בְּלִילֹו [כ= יַקְצִירוּ] [ק= יִקְצֹורוּ] וְכֶרֶם רָשָׁע יְלַקֵּשׁוּ׃

|Jó 24:7| עָרֹום יָלִינוּ מִבְּלִי לְבוּשׁ וְאֵין כְּסוּת בַּקָּרָה׃

|Jó 24:8| מִזֶּרֶם הָרִים יִרְטָבוּ וּמִבְּלִי מַחְסֶה חִבְּקוּ־צוּר׃

|Jó 24:9| יִגְזְלוּ מִשֹּׁד יָתֹום וְעַל־עָנִי יַחְבֹּלוּ׃

₁₀

|Jó 24:10| עָרֹום הִלְּכוּ בְּלִי לְבוּשׁ וּרְעֵבִים נָשְׂאוּ עֹמֶר׃