• अध्याय 5
  
  

₁

|इब्रियों 5:1| Ako odene mekome Akolalike lodo yotokamotoa takoa motane ali-kitike uku. Dikako ago tukale one luku panago moa kakakilepa Akolaliyo ete ali-kiti takoa wawa odene ago takoa moa kakako. One yatene ali atoame tokoi poaneleke padeya-kiti mea lodo yoa kowitikamotoa ni toko.

  

संदर्भ इंटरलीनियर टिप्पणी शब्दकोष समानांतर बंद करे

₂

|इब्रियों 5:2| Einagomepa wene toamene ali atoa etepea pote poanele tokoike lodo yotokakilepa ae kime tiki toane onemeka poanele tuku wa eni yene mama moa toko.

  

संदर्भ इंटरलीनियर टिप्पणी शब्दकोष समानांतर बंद करे

₃

|इब्रियों 5:3| Nipa Akolalike lodo eni yotokakilepa oneka poane ago tokome pinali one poanele tokake lodo yokala too.

  

संदर्भ इंटरलीनियर टिप्पणी शब्दकोष समानांतर बंद करे

₄

|इब्रियों 5:4| Nipa one weneme ako ago mekene tou wa tokoya mena. Akolaliyo takoa moa kakane ago tokome ni toko. Nipa papete Akolaliyo eya ago Erone takoa moa kakakale mekome tane toa toko.

  

संदर्भ इंटरलीनियर टिप्पणी शब्दकोष समानांतर बंद करे

₅

|इब्रियों 5:5| Keraisuyoka ako odene mekene enakale tou wa taneya mena. Nitaneyake Akolaliyo one-pala eya wa akeneya.I ago nepa anu manago. Opi nopa neketai latiane meku wa Akolaliyo mana-pala akene toa panagome one bokuke wia mekaneya.

  

संदर्भ इंटरलीनियर टिप्पणी शब्दकोष समानांतर बंद करे

₆

|इब्रियों 5:6| One boku padeke Akolaliyo mana-pala eya waka akene toa padame wia mekaneya.Anu wene kekakadepa lodo you toa teke ali atoane kowitikama poo. Eya ago Melekisedekeyo papete tokana toa nemeka too wa Akolaliyo akeneya.

  

संदर्भ इंटरलीनियर टिप्पणी शब्दकोष समानांतर बंद करे

₇

|इब्रियों 5:7| Yesu tono melepu eya kakeneya itonoke nome mekome Akolali kowitikilepa komo ka̱ta oa kakome taneya. Nipa one tukale moa kamotokatekago kowitaneya. Nitoa yoti mitikatekoa mekome kowitikale tokome Akolaliyo yakoa taneya.

  

संदर्भ इंटरलीनियर टिप्पणी शब्दकोष समानांतर बंद करे

₈

|इब्रियों 5:8| Keraisu einagopa Akolaline mana kakilepa taneyake etename oka toa-kama wene toa litia tootapeademepa ele kuleme ke enekakale mekome poti utanele-kama toomoa pekeneya.

  

संदर्भ इंटरलीनियर टिप्पणी शब्दकोष समानांतर बंद करे

₉

|इब्रियों 5:9| Nitoapa etenane wene pika toa kotuke kakoa tootapeneya tokome one agale yakoa tiki peyapa one patu kautakoa kakete mea kama pamele toko wa toa motoko.

  

संदर्भ इंटरलीनियर टिप्पणी शब्दकोष समानांतर बंद करे

₁₀

|इब्रियों 5:10| Nitikago-pala Akolaliyo okome one wene kekadepa lodo you toa ako odene meke ali atoane kowitikama poo. Melekisedekeyo papete tokana toa nemeka too wa Akolaliyo mana-pala akeneya. Yesunole Takama Peketepa Pegene Kakoa Tewitikoa Wawameamene

  

संदर्भ इंटरलीनियर टिप्पणी शब्दकोष समानांतर बंद करे