आपका शब्द 
पुर्तगाली
इतालवी
स्पैनिश
अंग्रेज़ी
फ्रेंच
अरबी
अकर्मण्य
हिन्दी
जर्मन
Kakai Haeu 
-
|जोआओ 20:1| Pate letu ti Sande, ti tilokoan tutuen, Mary Magdalen nahih hani tehu amal ape i ningahi tehu pot laha uke siponiai amali Jises ape hulinan.
-
|जोआओ 20:2| Aile ape i kiliwau hani kapi Saimon Pita ma tel kahikahi Jises liai, tel lohun xoxoan. I ukek, “Laha waxi ahutiwen tupui tel masiwi ti leili amal ape amite kum tioi tesol laha hahana i!”
-
|जोआओ 20:3| Ape Pita ma tel kahikahi Jises liai lalu lua hani tehu amal.
-
|जोआओ 20:4| Ati lalu kikiliwau tuahe tel kahikahi Jises liai i pamu nahiaian ape i tahia imat hani amal.
-
|जोआओ 20:5| I teha wana ape i ningahi maia ti laha pupuxui Jises tuahe i tai soh hani leilon.
-
|जोआओ 20:6| Saimon Pita, tel i usima muhin, i tahiawa ape i soh hani leilon. Tin i ningahi teik maia puxuiai tupui Jises ien.
-
|जोआओ 20:7| Teik maia laha tatalini patun, i toto tanenan kumahe kapi maia liai.
-
|जोआओ 20:8| Ape tel kahikahi Jises i tahiamu imat he amal, tin i soh hani leilon. I ningahi waliko ti leili amal ape i soh ka Jises moih aliawen.
-
|जोआओ 20:9| Tuahe kalak tataen ien tesol kahikahi Jises tai xeu tutuen teik kakain ti pepai Haeu kakaxi ka Jises moih alia ti matean.
-
|जोआओ 20:10| Muhin ien huhua kahikahi Jises nahih alia hani tonalalu. Jises take hani kapi Mary Magdalen
