• अध्याय 3
  
  

₁

|गलाटियन्स 3:1| Amuto teka kahikahi Krais ti Galasia, amuto tap wanen patumuto. Nga kaxi haxewa hawane haniwen amuto sale matei Jises Krais he kros. Tuahe pate amuto hongeni ti seilon neini hakalala namilomuto.

  

संदर्भ इंटरलीनियर टिप्पणी शब्दकोष समानांतर बंद करे

₂

|गलाटियन्स 3:2| Nga kameimu amuto tetenen, amuto uke ukek ia Holi Spirit? Ti sale usiai nauna ma saun ti lotu ti kako teka Ju? Kumahe, Haeu hani amuto Holi Spirit nake amuto hong soh meng solian ti Jises Krais.

  

संदर्भ इंटरलीनियर टिप्पणी शब्दकोष समानांतर बंद करे

₃

|गलाटियन्स 3:3| Amuto taxitaxiawen! Ti amuto hutui kahitiai Krais, amuto hong usi Holi Spirit. Tuahe aope ie, amuto ailele ti puki kuimuto wanen.

  

संदर्भ इंटरलीनियर टिप्पणी शब्दकोष समानांतर बंद करे

₄

|गलाटियन्स 3:4| Amuto kau hakilawen kawatan nake ti kahitiai Krais. Lehe tesol kawatan ien tua xoina? Nga kum ukek!

  

संदर्भ इंटरलीनियर टिप्पणी शब्दकोष समानांतर बंद करे

₅

|गलाटियन्स 3:5| Nga kakane ulea amuto, kumahe Haeu hani amuto Holi Spirit ma i aile kolakol tenen lalap wasolamuto nake amuto usiusi nauna ma saun ti lotu ti kako teka Ju, tuahe nake amuto soh meng solian ti Jises Krais ti amuto hongoen.

  

संदर्भ इंटरलीनियर टिप्पणी शब्दकोष समानांतर बंद करे

₆

|गलाटियन्स 3:6| Namiloi paxaiwa Abraham. “I soh hawane Haeu ape ti xoxoi namilon ien Haeu ukek i seilon sawisawin.” (Gen 15:6)

  

संदर्भ इंटरलीनियर टिप्पणी शब्दकोष समानांतर बंद करे

₇

|गलाटियन्स 3:7| Aile ape amuto tioiwa ka nati Abraham wanen teteka seilon laha hina namil xoxoan ti Haeu.

  

संदर्भ इंटरलीनियर टिप्पणी शब्दकोष समानांतर बंद करे

₈

|गलाटियन्स 3:8| Pepai Haeu hoi kak kilamiwen ka Haeu namiloi ukek teka kumahe Ju laha seilon sawisawin na namilolaha xoxoan tetan. Hoi liai ti imat Haeu kaxi peleiwen hani Abraham tenen meng solian ti i ukek, “Nga aile hasolia hakila hani seilon ti lawe xux na laha soh hawane tetak hanowi o.” (Gen 12:3)

  

संदर्भ इंटरलीनियर टिप्पणी शब्दकोष समानांतर बंद करे

₉

|गलाटियन्स 3:9| Aile ape teka laha hina namil xoxoan ti Haeu, i aile hasolia hani laha masin ti i aile haniwen Abraham.

  

संदर्भ इंटरलीनियर टिप्पणी शब्दकोष समानांतर बंद करे

₁₀

|गलाटियन्स 3:10| Tuahe teka laha haeliel usiai nauna ma saun ti lotu ti kako teka Ju lehe laha sohot seilon sawisawin, laha toto hahitake lengei Haeu. Masin ti pepai Haeu kakawen i ukek, “Tel na i kum aile usi hatapo lawe nauna ti Moses leili pepai Haeu, i hahitake lengei Haeu.” (Deut 27:26)

  

संदर्भ इंटरलीनियर टिप्पणी शब्दकोष समानांतर बंद करे