आपका शब्द 
पुर्तगाली
इतालवी
स्पैनिश
अंग्रेज़ी
फ्रेंच
अरबी
अकर्मण्य
हिन्दी
जर्मन
Akus Ro Na Palatung Tanginang Ani Iesu Karisto 
-
|इब्रियों 1:1| Aino God katapo mengen taun a keve tivura si keve katakai i kus amalangas si mamain ta selen na taun angpetpetekai.
-
|इब्रियों 1:2| Au na kana, si akamusai i taun ke, kata lapo mengen si kana nat, voiang kata so akalitai ania ta nia ka taukai i keve bil aongos. Na le singina, nei pangau ke kata abis ia.
-
|इब्रियों 1:3| Kapo amangai ani minaungan laba i God na e pukun ina kapo vil atutuman aongos luai ani kana laulauan. Kitmat i kana mengen kapo teng akit aongos a keve bil. Kata serei asi me vil adaus anira si kara lau rikek. Au kana vang kanlapo sinong si kana sinsinongan lava e pangkul luai e palso.
-
|इब्रियों 1:4| Na kapo tavirimok ani ri angelo using kata poso asan ro luai ania ani ri angelo. Nat i God kapo tavirimok ani ri angelo
-
|इब्रियों 1:5| Arai, mang saka angelo an God kata antok ia ta,Kupo kag nat. Kana naka asereiai anim na napo tamam, na,tarung uli angtama?
-
|इब्रियों 1:6| Na kapa, si taun ang God kata alis kana posong sang ane kuli rina, kata antok takapo ro kana keve angelo aongos ki soturungai singina.
-
|इब्रियों 1:7| Ani ri angelo kapo mengen ta,Kata asok kana keve angelo ani ki sang val malu na ki anini kana mengen.
-
|इब्रियों 1:8| Sikei ani kana nat ta,Numai God, kam sinsinongan ka ago asikei. Kam lau korong kapo kam kitmat i saupai ani kam matan vap.
-
|इब्रियों 1:9|Kupo buk a lau korong na kupo mirik ani putuk saupai. Si oring suke God, kam God, katala tiu a patum ta rul sain roron i uruk, akanangai anim ta ku lakat aniria kipo auai ve numai.
-
|इब्रियों 1:10| Na,numai Volava, kuta kirkirangai ani kuli rina si tutapongai. Au na metekuku kapa, kapo avibisan i ngono kungam.
