• अध्याय 2
  
  

₁

|गलाटियन्स 2:1| Au, e mung i 14 a matas, nala palak pok ane Ierusalem kuvul ve Barnabas, na nala songo kapa na Tito.

  

संदर्भ इंटरलीनियर टिप्पणी शब्दकोष समानांतर बंद करे

₂

|गलाटियन्स 2:2| Nata palak using a mang asangai kata serei singig. Io, nanla kivung ve ria, sikei ria papalik keve igenen lava, na nanla palas dong iria ta akus ro ke nalapo akus ri vap i ngising tatana, vei kag keve abis aino na kana ka nem palau.

  

संदर्भ इंटरलीनियर टिप्पणी शब्दकोष समानांतर बंद करे

₃

|गलाटियन्स 2:3| Tito kata auai ve nau, na mang matan vap kitapo sulai ania asi kana lampulit, using kapo nat i Elas, sikei parik luai kitapa sulai korong ania.

  

संदर्भ इंटरलीनियर टिप्पणी शब्दकोष समानांतर बंद करे

₄

|गलाटियन्स 2:4| Au vap ke kana lenginang kime lapo rol imem velai ani kapau ta kipo angtasimal atutuman ve namem, using asi kari me teremai musik ta to i kalakala ke namempo atogon ia si Karisto Iesu. Na kila aisul imem asi anguan asalak an ani mamaiten i using ani saupai.

  

संदर्भ इंटरलीनियर टिप्पणी शब्दकोष समानांतर बंद करे

₅

|गलाटियन्स 2:5| Parik luai namemta lapa alis ta ring pangau si kari kapau, using natapo buk ta mi nas aroron luai ani tutuman i akus ro.

  

संदर्भ इंटरलीनियर टिप्पणी शब्दकोष समानांतर बंद करे

₆

|गलाटियन्स 2:6| Au, na si keve igenen ang mitapo lomon ia ta kipo keve igenen lava, parik natapa lolokovo ta kipo saka igenen lava an. E matana i God mang igenen kapo angkokoai palau val mang anu. Io, keve igenen ang kipo igenen lava, parik kita lapa alakai ta ring mengen petekai ani sa natala palas dong iria tatana.

  

संदर्भ इंटरलीनियर टिप्पणी शब्दकोष समानांतर बंद करे

₇

|गलाटियन्स 2:7| Sikei, kitala kinle ta God nia kata asok iau ani naka akuskus si ri vap tav lampulit, asukang palau val Petero, God kata asok ia ane si ri lamutan.

  

संदर्भ इंटरलीनियर टिप्पणी शब्दकोष समानांतर बंद करे

₈

|गलाटियन्स 2:8| Ninia palau kata amadot a Petero ani kan mengen ani Karisto si ri lamutan, nang palau nia kata kun amadot anig asi kag mengen ani Karisto si ri vap tav lampulit.

  

संदर्भ इंटरलीनियर टिप्पणी शब्दकोष समानांतर बंद करे

₉

|गलाटियन्स 2:9| Na mang anu, kitala tun kinle korong e pukun ig na roron ang si kag aisog. Nang tukulai ina keve igenen ke, ri Iakovo ve Kepas na Ioanes, petau ke mipo lomon ia ta kipo ainoinoai, kita lulun imemlong ve Barnabas, akanangai ani kari ainainak, ani namemlong ane si ri vap i ngising, na riria ane si ri lamutan.

  

संदर्भ इंटरलीनियर टिप्पणी शब्दकोष समानांतर बंद करे

₁₀

|गलाटियन्स 2:10| Kari sokotuk palau ta namemlong ago ta lomon taun an ani mamain ta vap po logo e iang. Au, nata ainak aroron ani sokotuk ang. Paulo kata tatapokai ani Kepas si kana lok

  

संदर्भ इंटरलीनियर टिप्पणी शब्दकोष समानांतर बंद करे