आपका शब्द 
पुर्तगाली
इतालवी
स्पैनिश
अंग्रेज़ी
फ्रेंच
अरबी
अकर्मण्य
हिन्दी
जर्मन
Akus Ro Na Palatung Tanginang Ani Iesu Karisto 
-
|कुलुस्सियों 2:1| Using napo buk ani mi malangas kag agusa madot animi, na aniria e Laodikeia, na kapa aniria parik lak kipa arai ani pukun ig.
-
|कुलुस्सियों 2:2| Kag vubuk lava ta ki sikei palau kuvul si kari lau i ngorem, na vingaria ka takaring. Ani ki atogon aongos a tauia ang le si kari nas ani kana mengen roron a God vopo mun aino ang, Karisto palau nang.
-
|कुलुस्सियों 2:3| Na ninia papalik kapo angkoai si tat palas ani tutuman i mamain ta tauia i masam na nas.
-
|कुलुस्सियों 2:4| Napo atulisai animi ta oring ke, ani ki ago ta me kapau ta pasak ro palau si me bui animi.
-
|कुलुस्सियों 2:5| Io, kantanem napo tav ago ve nami si pukun, sikei lak napo uli lomlomonai animi na napo uruk alava si arai ta mipo saupai aro pok animi na mipo kelai akit aro ani kami lomlomon si Karisto. To roron tutuman kapo sinong si Karisto
-
|कुलुस्सियों 2:6| Au kanat vang, val mitala ainak ani Karisto Iesu ta ninia na Volava, napo sokotuk imi ta mi uli kusing aro asukang palau lak si kami angtogon ve nia.
-
|कुलुस्सियों 2:7| Mi asisia mis na kelkelai akitmat lakat kuluna na mi tung akitmat si lomlomon val kitala pinipini imi tatana, na posong ro nei kami to ka duk na ka kamsarak luai.
-
|कुलुस्सियों 2:8| Mi aiveven vei nganing a mangsikei kamela teng akit imi ta keve akalkalit i nas vauvau kapau palau si ri vap, voiang kapo tapasuk le si kari lau i ago le kabang, na si keve malanganto i kuli rina ke, na parik ta le si Karisto.
-
|कुलुस्सियों 2:9| Using si Karisto kana laulauan kirol a God kapo sinong singina na kalapo sung pukun tatana.
-
|कुलुस्सियों 2:10| Ninia kapo tavirimok alakat ani mamain ta saupai na kitmat aongos. Au na nami, le si kami angtogon ve nia, milapo kun kirol aro si kami to.
