Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xela wezria cube nen salmo caʼ 
-
|Mateo 1:11| Josías nigá guque̱' xra Jeconías ne benne' biche̱' ca' ca lu zra ca' gate benne' Babilonia guleché̱'e̱ benne' Israel ca' lu xe̱zr la xu Babilonia.
-
|Mateo 1:12| Jeconías nigá guque̱' xra Salatiel.Salatiel nigá guque̱' xra Zorobabel.
-
|Mateo 1:13| Zorobabel nigá guque̱' xra Abiud.Abiud nigá guque̱' xra Eliaquim.Eliaquim nigá guque̱' xra Azor.
-
|Mateo 1:14| Azor nigá guque̱' xra Sadoc.Sadoc nigá guque̱' xra Aquim.Aquim nigá guque̱' xra Eliud.
-
|Mateo 1:15| Eliud nigá guque̱' xra Eleazar.Eleazar nigá guque̱' xra Matán.Matán nigá guque̱' xra xetú benne' le̱' Jacob.
-
|Mateo 1:16| Jacob nigá guque̱' xra José, benne' chee̱ María, xrna Jesús, Bénnea' naque̱' Cristo.
-
|Mateo 1:17| Caní naca, gulaca chidá' cue' bénneache gate guzú lau zua Abraham, ca bzrinte̱ zra zua David, na' gulaca xechidá' cue' bénneache ca' gate guzú lau zua David, ca bzrinte̱ zra gate na' benne' Babilonia ca' guleché̱'e̱ benne' Israel ca' lu xe̱zr la xu chee̱', na' gulaca xechidá' cue' bénneache ca' gate guzú lau zra na', ca bzrinte̱ zra gulaj Cristo. Ca guca gate gulaj Cristo
-
|Mateo 1:18| Caní guca gate na' gulaj Jesucristo. María, xrna Jesús ba naché̱bebe' gácabe' zru'ula José. Nédxula ca za xelenite̱', nu'ula nigá ba zue̱' zi'i ne̱ chee̱ xel-la' waca chee̱ Be' Lá'azxa chee̱ Dios.
-
|Mateo 1:19| José, benne' chee̱ María nigá, naque̱' benne' xrlátaje. Quebe guca lazre̱' gulé'ene̱' ca ba naca chee̱ María lau benne' xe̱zre ca'. Guca lazre̱' gusane̱' le̱' bagácheze.
-
|Mateo 1:20| Dxácate̱ dxudé lazre̱' da nigá, ble'e lau tu gubáz chee̱ xabáa, gubáz chee̱ Xránadxu, ga zua José na' lu bchigala, na' guzre̱' le̱': ―José, zri'ine zre sua David, quebe zrebu' si' lu na'u María chee̱ gácabe' zru'ulu', lawe' da bidu biu na' sanbe' zabe' ne̱ chee̱ Be' Lá'azxa chee̱ Dios.
