Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xela wezria cube nen salmo caʼ 
-
|Mateo 14:11| Nadxa xeajlexrí'e̱ xíchaje̱' tu lu xé'ena, ne bulunézruje̱' na bi nú'uladu na', na' le̱be' bnézrujbe' na xrnabe'.
-
|Mateo 14:12| Nadxa belezrín benne' ca' bse̱de Juan, na' belexú'e̱ le̱', ne xeajlecache̱' le̱'. Nadxa xjaque̱' xeajlegue̱zre̱' Jesús. Dxugagu Jesús chi xun gaxúa benne' biu
-
|Mateo 14:13| Gate ben Jesús da na', na' bezé̱'e̱ na', bexu'e̱ tu lu da dxedá lawe' nísadau', na' bzrine̱' tu naga quebe nu zra' benne'. Gate belén bénneache, na' gusiá'que̱' ni'e̱, na' belezrine̱' naga zua Jesús.
-
|Mateo 14:14| Gate bedxúaj Jesús lu da dxedá lawe' nísadau', na' blé'ene̱' benne' zante̱, ne bexache lazre̱' le̱', na' bexune̱' benne' ca' quebe chawe' zaj zue̱'.
-
|Mateo 14:15| Gate ba za xrinne, benne' ca' dxuse̱de Jesús gulebigue̱' lau Le̱', dxelenné̱': ―Lataj nigá quebe bi de̱, ne ba dxedé zra. Bze̱ benne' caní dizra' chee̱ chjaque̱' xé̱zredu ca', ne xelezí'e̱ da xelawe̱'.
-
|Mateo 14:16| Jesús guzre̱' le̱': ―Quebe dxun na ba xen chjaque̱'. Le gunezruj le'e da xelawe̱'.
-
|Mateo 14:17| Benne' ca' gulé̱'e̱ Le̱': ―Gázxuze xeta xtila de̱ chee̱dxu nigá, ne chúpaze bela.
-
|Mateo 14:18| Jesús guzre̱' benne' ca': ―Le gunna na nigá.
-
|Mateo 14:19| Nadxa gunná bé'ene̱' gulebé' benne' zan ca' lawe' zrie̱. Guqué̱'e̱ xeta xtila, ne bela ca', na' gunné̱'e̱ xabaala, ne guzre̱' Dios: “Xcalenu'.” Nadxa bzúzruje̱' xeta xtila, ne bnézruje̱' na benne' ca' dxusé̱dene̱', na' benne' ca' gulísie̱' na láwela benne' zan ca'.
-
|Mateo 14:20| Xúgute̱' gulawe̱', ne gulélajene̱'. Ca gudé na' bulusuzré̱'e̱ chazrinnu ga' da bízrujdu ca' zaj nagá'ana.
