Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xasāstiʼ testamento (Xatze tachihuīn ixpālacata Jesucristo) 
-
|Lucas 4:1| Ixlīstacna' Jesús ixlītzuma Espíritu Santo ē taspi'tli na ixquilhtūn nac xcān Jordán. Espíritu Santo lē'lh nac cā'tzaya'nca ti'ya't.
-
|Lucas 4:2| A'ntza' ixuī'lh tu'pu'xam quilhtamacuj. Milh skāhuī'ni' nalīlaktzī'n palh tzē ixa'kskāhuī'lh Jesús. Jesús jā huā'yalh a'klhūhua' quilhtamacuj ē ixtzi'ncsmā'lhtza'.
-
|Lucas 4:3| Palaj tunca huanilh skāhuī'ni': ―Palh hui'x ī'Ska'ta' Dios, camāpa'ksi' tzamā' chihuix pāntzīn cahuanli.
-
|Lucas 4:4| Jesús kelhtīlh: ―Tatzo'kni' na ixtachihuīn Dios:Jā xmān pāntzīn catilīlatamā'lh chā'tin chi'xcu' huā'tzā' nac cā'quilhtamacuj.Ā'chulā' cuenta natlahuacan ixtachihuīn Dios.
-
|Lucas 4:5| Palaj tunca skāhuī'ni' lē'lh Jesús a'ktin nac sipej tālhmā'n. A'ntza' xamaktin māsu'yuni'kō'lh ixlīpō'ktu cā'quilhtamacuj.
-
|Lucas 4:6| Huanilh: ―Na'icmaxquī'yān ixlīpō'ktu huā'mā' ē namāpa'ksīya'. Pō'ktu quila' ē nā tzē na'icmaxquī' catīxcuhuālh.
-
|Lucas 4:7| Palh hui'x naquintatzokostani'ya' ē naquilaktaquilhpūtaya', na'icmaxquī'kō'yān ixlīpō'ktu huā'mā' ē mila' nahuan.
-
|Lucas 4:8| Jesús kelhtīlh: ―Catapānu', Skāhuī'ni'. Tatzo'kni' na ixtachihuīn Dios:Natatzokostani'ya' ē nalaktaquilhpūtaya' miMāpa'ksīni' Dios ē natlahua'ya' xmān tū xla' lacasqui'n.
-
|Lucas 4:9| Ā'līstān skāhuī'ni' lē'lh nac cā'lacchicni' Jerusalén ē yāhualh na ixa'kspūn xaka'tla' templo. Huanilh: ―Palh hui'x ī'Ska'ta' Dios, catamakahuasyujti nac ti'ya't.
-
|Lucas 4:10| Tatzo'kni' na ixtachihuīn Dios:Dios nacāmāpa'ksī ixángeles natamaktaka'lhān.
