Tua Palavra

|Filemón 1:1| Павел (Иса Месихнинъ мабюси) ве дин къардаш Тимотей — севимли ишдешимиз Филимонгъа,

|Filemón 1:2| эм де къызкъардашымыз Апфиягъа, бизнен берабер курешкен аркъадашымыз Архиппке ве эвинъдеки иманлылар джемиетине:

|Filemón 1:3| Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

|Filemón 1:4| Сен ичюн дува эткенимде, эр вакъыт Аллама шукюр этем,

|Filemón 1:5| чюнки Рабби Исагъа олгъан иманынъ ве эписи азизлерге олгъан севгинъ акъкъында эшитип турам.

|Filemón 1:6| Бизим сеннен берабер бир олгъан иманымыз Месих бизге берген эр бир эйиликни санъа анъламагъа ярдым этсин.

|Filemón 1:7| Сенинъ севгинъ манъа буюк къуванч берди ве гонълюмни алды, чюнки сен, къардашым, азизлерни юреклендирдинъ.

|Filemón 1:8| Шунынъ ичюн, керек шейни япмагъа мен санъа Месихнинъ Адынен ачыкъ-айдын эмир этип олур эдим,

|Filemón 1:9| лякин севгинен ялварам. Мен, Иса Месихнинъ эльчиси Павел, энди Онынъ мабюси,

₁₀

|Filemón 1:10| санъа огълум Онисим ¹ ичюн ялварам. Зынджырларда олгъанымда, мен онынъ бабасы киби олдым.