Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Juan 1:1| Акъсакъал — Сайлангъан ханымгъа ве онынъ балаларына (мен оларны акъикъатта севем, эм ялынъыз мен дегиль де, акъикъатны бильгенлернинъ эписи оларны севелер,
-
|2 Juan 1:2| чюнки акъикъат ичимизде яшай ве эбедиен бизнен оладжакъ):
-
|2 Juan 1:3| Алла Баба ве Бабанынъ Огълу олгъан Иса Месих бизге хайыр ве мераметни, акъикъат ве севгинен аманлыкъны берсин.
-
|2 Juan 1:4| Сенинъ балаларынъдан базыларыны, Баба бизге буюргъаны киби, акъикъат ёлундан юргенлерини корьгенимде, пек къувандым.
-
|2 Juan 1:5| Энди санъа риджа этем, ханым, бири-биримизни севейик. Мен санъа янъы бир эмир язмайым, бизде башындан олгъан эмирни язам.
-
|2 Juan 1:6| Севмек — Онынъ эмирлерини беджерип яшамакътыр. Сиз башындан эшиткенинъиз киби, бу эмир — севгиде арекет этмектир.
-
|2 Juan 1:7| Дюньяда чокъ алдатыджылар пейда олдылар. Олар инсан беденинде кельген Иса Месихни танымайлар. Булар — алдатыджы ве Месихнинъ душманларыдыр.
-
|2 Juan 1:8| Япкъан ишинъизнинъ берекетини джоймамакъ ве мукяфатны бутюнлей алмакъ ичюн, озюнъизге мукъайт олунъыз.
-
|2 Juan 1:9| Озь артындан алып баргъан ве Месихнинъ огретювинден узакълашкъан эр бир адамда Алла ёкъ. Бу огретювге коре яшагъан адамда исе эм Баба, эм Огъул бардыр.
-
|2 Juan 1:10| Эгер бир адам алдынъызгъа келип, бу огретювни кетирмесе, оны эвинъизге кирсетменъиз, онъа селям да берменъиз.
