Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|Santiago 5:1| 'Enakúne ja ea ka'ene uneunecha rukima'urakije sisea ka'ene joni haha 'ahi re'i venujihuna'e iviamaa roe niramarume 'ee úchia eha.
-
|Santiago 5:2| Joni kukua uneunechijija sakarasa raname 'ee joni ateha tiriapo uhusa ranavara.
-
|Santiago 5:3| Joni korutia 'ee siriva tihejara. 'Ene ijí tiheja kajipo ja rone 'warahuna. 'Ene ijipo veje ja areri veni renau ja'ina'e renahuna. Ike vea túchamaa ikino ja joni uneunecha hine tamua vejara.
-
|Santiago 5:4| Heha! Ea ka'ene oni juara meja jihipuni eha ka'ene a pavaji'i 'uninamie hinujihuna'e pu ninama'e hine 'umeju. 'Ene ea ka'ene juara savajipo hine emavajujaho ajime Natohwa Sapaoti ka'ene uneunecha maho'o 'Ajohi'ini jihuni ataa vaji arumu.
-
|Santiago 5:5| 'Enakaivo ja ikino mwe'i hijujaho uneunecha mamaa 'ee mapoka ani renavumakame ijihuni toi hami hine 'ee joni hiijaho joni hahijara ura renaja'ina'e veji'i hijara. 'Ene ijihuni vei reje 'anihuni jihuna'e joni oja siseiji piravume emarejara.
-
|Santiago 5:6| Ja ea arimaa ka'ene ja patanu'urihujaho namahe 'ee 'anaume kwamana. 'Unama Ichá'ina Masuani Hine 'Ee Siporua 'Ohunijina
-
|Santiago 5:7| 'Enajihuna'e vwehu nune masuani ajuarasahe hina va'eje Natohwijaho ro'amana. Ea ka'ene juara 'oji'inijara huni uja mavarasa'ina ka'ene mwe'a vaji irechavu'e navujipo nehi pine sona'eje marasa'avarono masuani 'ajiha hinujaho kaha.
-
|Santiago 5:8| Ja 'u'o masuani ajuarasahe joni oja veje harura rena'amana. Ijihuni maijaho Natohwijara rohuna nituranu.
-
|Santiago 5:9| 'Enakúne vwehu nune pasu'arame ninakara'avara. 'Ejakame ja panama'avara. Heha! 'Otua heji'inijaho vwicha jiamai naminu.
-
|Santiago 5:10| Vwehu nune areri poropetiepo Natohwi jihuni iha toi vejaja'ina'e siseisei hi'avajaho masuani ajuarasahe pura vene najaha kaja'ina'e hi'avara.
