Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|Romanos 14:1| Ea ka'ene Godi nimaa rojara kaivo ija kisi pa'unavi'inijija hami 'ajora'avara. 'Enakaivo ja unenu'u pina ka'ene rakijara maa'e rakijara sisea ijijahija pu pu'úmo panakara'avara.
-
|Romanos 14:2| Ea pini nimaa ronujaho hu uneunecha mapoka ma'itu kwino va'una 'ee ea pina ka'ene huni nimaaroa ajuaraji'inijaho 'irumaru inuna.
-
|Romanos 14:3| Ea ka'ene uneunecha mapoka iparaji'inijaho ea ka'ene uneunecha mapoka paiji'inijaho pase'amana. 'Ene ea ka'ene uneunecha mapoka paisihi'inijaho ea ka'ene uneunecha mapoka isihi'inijaho pase'amana. Ijihuni maijaho ijijahija no'ohe'i Godira Huni ea 'ekaana.
-
|Romanos 14:4| A ea irana'omo ea pipuni pweijaho namaho? Hu 'onu ho naminujaho huni natohwijihuni temuka kaivo Natohwijara veje hu kisina namihuna.
-
|Romanos 14:5| Ea pini vwihanujaho vea kwinu kwino mama'ina ronu kaivo ea 'ahopo vwihajujaho vea mapokakija ani'ina pana ka'i nikwisu nija'ina roju. 'Enakúne ea kwinu'wi hu ori'ini ichá'ina'e vwiha'ama ja'ina'e nimaa ronama.
-
|Romanos 14:6| Ea ka'ene na'ia kwinu'wi Godoni vea natohua ronujaho huni urijino Godona'e venaha avanu. Ea ka'ene 'iruma mapoka iji'inijaho hu Natohwi jihuna'e venaha avanu. Ijihuni maijaho hu raka ka'ene inu kajaho hu Godi teamani 'wamuna. 'Enakaivo ea ka'ene 'iruma mapoka painujaho hu Natohwi jihuna vene avanu. Ijihuni maijaho hu raka ka'ene painu kajaho hu Godi teamani 'wamuna.
-
|Romanos 14:7| 'Enajihuna'e ei pini hunaru hihuna pane 'ee ei pini hunaru kwahuna pana.
-
|Romanos 14:8| Nú iki hi'avajaho nú Natohwi jihuna'e hihuna 'ee nú kwamasa'avajaho nú Natohwi jihuna kwamasahuna. Nú hihuna ho kwamasahuna vo nú Natohwi jihuna.
-
|Romanos 14:9| Ikehuna'e Kerisoho kwama 'urinana. Ijihuna'e ea ka'ene kwamasahe 'ee mai'o hiju jihipuni Natohwa renana.
-
|Romanos 14:10| 'Enakaivo a rakijihuna'e vweuna namaho? 'Ene oni vwea hana'i ranamo? Ijihuni maijaho nú ea mapoka'e Godoni una'i 'otua asúki namihuna.
