Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|2 Tesalonicenses 2:1| Vwehu núne núni Natohwa Jesu Kerisora roakame núra ahume Hua'e piunahuniji 'wara'i veju.
-
|2 Tesalonicenses 2:2| Ja heje 'avena sisei pini 'wara'ena ho emaapo 'wara'eja ho núra asura vene 'waravu 'iavi'i Natohwi jihuni vea niroana 'iava he'avajaho joni oja pahwa'usahe 'ee joni vwiha papuruva reti'amana.
-
|2 Tesalonicenses 2:3| Ja paveje ea 'ahopo 'unama ani ani'inijino ja pisivi'ava. Ike vea ikaho mai'o paro'eje maraku'ijaho emaapo Godi túchahae vahuna. 'E'eje ea sisea ka'ene uneunecha tirakuji'ini jihuni harihijara roakavi'i iji'a vea kajaho rehuna.
-
|2 Tesalonicenses 2:4| Hu ori'ini ta'arosarame 'ee uneunecha ka'ene godia 'wame 'ee uneunecha ka'ene godia roji'i oja mihujija ninamahuna. 'Ene huni tinia Godoni Temiporua vaji apene hu Godia 'iavi'i hihuna.
-
|2 Tesalonicenses 2:5| Na vea ka'ene ja pu'úmo hiji'i ijí rona 'waravujaho 'ú ja pavwihajo?
-
|2 Tesalonicenses 2:6| Irakijara Hu iviamaa tanu'urahe namujaho ja niheju. 'Ena'omo huni vea ape'eje hu roe samaahirahuna.
-
|2 Tesalonicenses 2:7| Ike siseakaho niji hemi kaukara venu kaivo Hu tanuma hinuna'omo hu aperu vahuna.
-
|2 Tesalonicenses 2:8| 'E'eje iji'a ea siseijaho roe samaahirahuna kaivo vea ka'ene Natohwijara ro'amajino Huni ira ohoa 'ee Hura ro'amani harurijara 'anae pa'arehuna.
-
|2 Tesalonicenses 2:9| Ea kajaho Setani oni harura vaji aacha ira'ata 'ee uneunecha ka'ene ea areri pavehunijaho vehuna.
-
|2 Tesalonicenses 2:10| 'Ene sisea ira'ata kajino maho'o ea ka'ene kwamasahunijaho pisimisahuna. Ijihuni maijaho pu nimaa ka'ene pu maranihunijaho oja pamahe 'ee paapejara.
