Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|2 Juan 1:1| Na eruta napara ka'ene iji pijahajine 'ee sesahwaha ka'ene nara nimaa vajijino oja mihujiru pana vo ea maho'o nimaiji hena kavi'inijihi puna'e veju.
-
|2 Juan 1:2| Nimaa ka'ene núni vaji name 'ee majama nama vahuni jihuni hahi veju.
-
|2 Juan 1:3| Maiji vwihanúana 'ee numirumana 'ee matauvi'ina ka'ene Godi Amo 'ee Jesu Keriso ka'ene Amo oni Harihi jihuni nimaa 'ee oja mihujaho nú pu'úmuna. Hura 'Warama Ja'ina'e O'avara
-
|2 Juan 1:4| Na sesahu jona 'aho'a ki'eme nimai jihuni vaji 'urahojajaho na teamanimana. Areri núra vehuna ka'ene Amouna'i apeja ja'ina vejara.
-
|2 Juan 1:5| 'Enakaivo na iviamaa napara kera a 'waravu na tamana pina maiu'ina paveju kaivo núra nimarako amura hejara ka'ene ea 'aho pu'úmo oja ma'arahuna ka'ene 'waramaji veju.
-
|2 Juan 1:6| Oja 'ekaravujaho Huni tamanijara 'warama ja'ina'e 'uraha ohuna. Ikaho tamana ka'ene jara nitama hejajina'omo ja ijihunijino 'urahe ohuna.
-
|2 Juan 1:7| Ira'asina mapoka iki mwe'i ani rene va'u. 'Ena'omo pu Jesu Kerisoho haha paapenana 'wavura. Pu niho'o ira'asine 'ee Keriso oni nana'eji'ina.
-
|2 Juan 1:8| Nú raka ka'ene ja najahume rejajaho hami 'ajohakame papa'are'ama jihuna'e nú ja pu'úmo eha mamaa maho'o areri apehuna.
-
|2 Juan 1:9| Ea irara Kerisora najahuji pave'i kaivo karokaha venujaho Godi huni oja vaja pahinu. Ea irara Kerisora najahuji venujaho Omahe'o Hariahe'o huni oja vaji hiju.
-
|2 Juan 1:10| Ea 'ahopo ja naja'iro ro'i kaivo ijí raka ka'ene najahaji paapene roa ki'avajaho pa'warave joni sea roe 'ee pa'ajo'avara.
