Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|2 Corintios 11:1| 'Ene na hine puruva reti'inapo vejuja'ina'e vene 'warave he'avajaho maki'avara. 'Enakaivo masuani hine ataa apúsame heha.
-
|2 Corintios 11:2| Ijihuna'e Godira jonijihuna'e oja ka'ene henuja'ina'e na 'u'o joni oja ija'ina'e heju. Ijihuna'e na parua kwinu vehuna'e nahama 'waravuta. 'Enareje na ja areri 'asúra ariramaa Keriso vajahuna.
-
|2 Corintios 11:3| 'Enakaivo vejuro'i taparijara huni henaka ira'atijino Ivi pisimia ja'ina'e hu joni vwihaiji 'u'o veje ja Keriso oja nimaa ka'ene mahuji arehunijara na tea junimu.
-
|2 Corintios 11:4| Ijihuna'e ei pini roe Jesu pina ka'ene nú panajahaji roe naja'ena ho 'avena pina ani'ina ka'ene jara apeja ja'inijaho pana ka'i ani'ina ho vu'a maa maiu'ina ka'ene jara apeja ja'inijaho pana kaivo ani'iniji najahe ja ijihi nimaa vena'e ve'avarono tea junimu.
-
|2 Corintios 11:5| 'Ene na onuno pavwihajujaho na apasorua ka'ene mama'inijihi puni hara ka'ene niho'o túchama ijina paroju.
-
|2 Corintios 11:6| 'Enakaivo na ira hami pa'waravi'ina vo na henaka rukina. Nú ikija nimaa nú vejume jonuna'a uneunecha maho'o samaa renana.
-
|2 Corintios 11:7| 'Ene nara niho'o joni hari roe ja 'unirame ahasirima'e 'ee Godoni vu'a maa maiu'iniji ja'e eha pa'a najahujaho na sisea vene avajuta raka?
-
|2 Corintios 11:8| Na sosia 'aho'a nesavu ja'ina'e vejuta. Ijihuni maijaho pura na aneja mi'eju'e ja najahu.
-
|2 Corintios 11:9| 'Ene vea ka'ene na ja pu'úmo hijujaho na pivujuta kaivo na ea pina ahija pamahuta. Ijihuni maijaho vea ka'ene vwehipo Masatoniai rena roajino nara pivujujaho maho'o vajihara. 'Enajihuna'e na uneunecha mapokijaho pavejume joni ahija'e renana. 'Ena'omo majaa ija'ina'e vehuna.
-
|2 Corintios 11:10| 'Ene areri ike Keriso oni nimaa ka'ene núni vaji hinujihuna'e nara ike temarane vejujaho Akea vaja ea pina patanuhuna.
