Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|Filemón 1:1| Yau Paulo, Yeisu Besinana yehana vehabana hipaigau. Tahida Timoti baidagu amiyamiya. Owa tahimai Pilimoni yam leta yaleleyawa ta owa na ai tapaihowa toyawa.
-
|Filemón 1:2| Na nuhudane Apiya na tahidane Akiposi taupaihowa haguigita ta Besinana yana boda na Pilimoni yam vada alonai hauga maudoina himiyamiya ahai avelauwedi.
-
|Filemón 1:3| Yada Bada Yeisu Besinana yo hinage Tamada Yaubada yadi veꞌiꞌilaena na yadi nuwadaumwali himiya vahaligo. Pilimoni yana mumuga namwanamwana.
-
|Filemón 1:4| Wasam bada yabenalenaꞌo neta yada Bada Yeisu uyemidiyenaꞌo na ana tauyemidiwo maudoidi uvelauwedi moiha, ainaena hauga maudoina yagu awanoi ainai yaꞌawa yauwedo Yaubada ainai vehabam.
-
|Filemón 1:6| Na yagu awanoi yada awaheliheliyam Besinana ainaena iꞌabiye wahiyalago, na hinage ginauli bagibagilidi namwanamwadi Besinana ainaena himahamahalavama ebeha uhanapuidi.
-
|Filemón 1:7| Tahigu, yam velau ainaena taumaselewo uhaguhaguidi na adi lautowoi uꞌabiye namwanamwadiꞌo, na wasam yo mumugam namwanamwana vehabam yabenalenaꞌo, eeta yayaliyaya mwalaꞌina. Paulo nuwanuwana na Pilimoni italamwei Onesimo ainai.
-
|Filemón 1:8| Howahowana na Besinana yehanaena yaloinaego.
-
|Filemón 1:9| Nigele neta dova na yaꞌawanoi hiyahiyau alimwai velau vehabana. Yau Paulo Bada yayemala tautaubadaꞌo, na teina haugane yau paipaigau Yeisu Besinana vehabana.
-
|Filemón 1:10| Ta yaꞌawanoi alimwai natugu Onesimo vehabana, iya yama miya vada abapaiyai ainaena yaꞌawa natuguwei yana yemidi Besinana ainai vehabana.
-
|Filemón 1:11| Mwalona Onesimo yana paihowa alimwai nigele iyanamwanamwa, na teina hauga bada inuwabuiꞌo, na yana paihowane inamwanamwa aliguwai, na hinage yahanapuiyaꞌo yana mumuga alimwai mata inamwanamwa.
