Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|3 Juan 1:1| Yau yami bada, na leta teina yaleleyawa owa augelu Gayosi alimwai. Walo moiha, ateguwena yavelau alimwai.
-
|3 Juan 1:2| Augelu, mayagu awanoi Yaubada ainai amnam yana miya namwanamwa vehabana, wuwuna yahanahanapui aluꞌaluwam yana miya namwanamwana.
-
|3 Juan 1:3| Mugai yayaliyaya mwalaꞌina haugana tahidiyao tupwadi hilaoma ta yam mumuga dumwaluna vehabana hiꞌaubabadaei, wuwuna walomoiha ainaena ulaulau.
-
|3 Juan 1:4| Teina dova wasa neta yagu abayaliyaya mwalaꞌina, wuwuna natuguwao walomoiha ainaena amlaulau.
-
|3 Juan 1:5| Augelu yam hagu yo yam paihowa tahidao yo taumanao aidiyai vehabana haugana himahalavawa yam dalavai, neta paihowa namwanamwana.
-
|3 Juan 1:6| Na tahidaone hilaugwaipileuyomaꞌo ta yam hagu aidiyai vehabana hiwalowalo mahalava tautapwalolo alimaiyai. Walo moiha, owa Yaubada yana taupaihowa, ainaena ilowoinanei yo ebe hilalaugabaigo adi nimaꞌabi hinage umohedi.
-
|3 Juan 1:7| Hiya Besinana yehanaena hiꞌadaꞌadau taꞌiꞌili, na nigele hiyatalam hagu vehabana taumiya ganamuli aidiyena.
-
|3 Juan 1:8| Eeta ilowoinanegita ebe ita tahaguidi, ta ainaena baidadao tavetaupaihowa toyawa walomoiha ainai. Ada tauhaguwo yo ada tauꞌalehao vehabadi
-
|3 Juan 1:9| Ami venuwamwau yaleleyawaꞌo tautapwalolo alimiyai na towahone yehana Diyotilipi nuwanuwana na ibom iloiloinaegomiu, ta ainaena yagu loina iꞌauꞌauhi.
-
|3 Juan 1:10| Na nigele yabom iyavetavetala piliyegau na hinage tahidaone nigele iyayaliyayaidi na tautapwalolo isosomanaedi wuwuna tahidao hihaguhaguidi vehabana. Eeta ebe hauganane yamahalavawa, yana mumugaone vehabadi yaꞌaubabada.
