Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|2 Timoteo 1:1| Yau Paulo, Yaubada yana nuwatuwuwena yavetauyewasa Yeisu Besinana vehabana. Neta iya yawahida wuwuna dova Yaubada yana waloyemidi tubudao aidiyai.
-
|2 Timoteo 1:2| Timoti owa yavelauwego eeta yaꞌawa natunaego ta yama leta teina yavetamalenawane. Tamada Yaubada na Yeisu Besinana yada Bada yadi veꞌiꞌila na yadi atemuyamuya na yadi nuwadaumwali ainaena umiya yaliyaya. Timoti yana yemidi Yaubada ainai
-
|2 Timoteo 1:3| Yaubada ainai yaꞌawa yauwedo, wuwuna iya tubuguwao yadi Yaubada na ainai yavetaupaihowa yagu nuwanuwatuwu maseledi aidiyena, na hinage ainai vehabam yaꞌawaꞌawanoi boniyai yo ahubena aidiyai.
-
|2 Timoteo 1:4| Mwalona yalaugabaigo ainai yam dou yanuwatuwu avivini ainaena nuwanuwagu mwalaꞌina na aiteya hauga ainai yaꞌitauyoigo ta yayaliyaya.
-
|2 Timoteo 1:5| Na hinage yam yemidi moiha Yaubada ainai yanuwatuwu avivini, dova hinage tubum Loise yo hinam Yunisi Yaubada hiyemidiyei moiha ainaena owa hinage teina hauga Yaubada uyemidiyei moiha.
-
|2 Timoteo 1:6| Hinage hauganane yaꞌabidebaigo na Yaubada wahiyala imohego na wahiyalane uꞌita avivini ta havena alimwena iꞌoviꞌovi.
-
|2 Timoteo 1:7| Wuwuna Yaubada nigele meheuhi iyamohegita, na hesi wahiyala yo velau yo nuwatuwu moiha imomohegitane.
-
|2 Timoteo 1:8| Ainaena havena yada Bada wasana ana walomahalava vehabana uhinihinimaya. Yau hinage yagu luwu vada abapai ainai vehabana havena uhinihinimaya. Na owa hinage howola abo Yeisu wasana vehabana tupwana vitai mata ulobaidi aidiyai, ainaena ilowoinanego na Yaubada yana wahiyalaena utowolo wahiyala.
-
|2 Timoteo 1:9| Yaubada ihaguigita na iyogaegita ebeha miya namwanamwana tamulitaei. Ita nigele yada namwanamwana vehabana iyayogaegita na baleꞌu ana yemasele mugamugaina ainai mwalona yana nuwatuwuwena iveꞌiꞌila alidai Yeisu Besinana ainaena.
-
|2 Timoteo 1:10| Ta teina hauga yana veꞌiꞌila alidai iꞌabiye mahalavayaꞌo ada Taulivahi Yeisu Besinana ainaena. Na Besinana mwalowoi iꞌoiye sawali, ta wasana namwanamwana ainaena yawahi vateyai ilalaomane alidai.
