Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|2 Pedro 3:1| Augeluwo, teina yagu leta bwauna alimiyai, na letaowone bwaune aidiyai yatowotowoi ta yavenuwatuwu avivinigomiu na amnuwanuwatuwu iliꞌilimani.
-
|2 Pedro 3:2| Yaubada yana tauwalo mahalava veꞌaveꞌahihidi yadi walo mugamugaidi amnuwatuwu avivinidi, yo hinage yada Bada, Taulivahigita, yana tauyewasa hiwawalo auligomiuwa amnuwatuwu avivinidi.
-
|2 Pedro 3:3| Na teina ginauli mwalaꞌina amhanapui mugaiyei ebeha hauga yana abaꞌovi ainai tauꞌabi talawahi himahalava, na hiya taudi nuwalelena himulitaedi,
-
|2 Pedro 3:4| na hiwalo, ‘Aiteya hauga ainai yami Bada iwuwuyoma dova yana waloyemidi. Mwalona baleꞌu yana abavetuwuni ainaena ta wau nigele teya hinage ginauli iyamwaugwaipile. Mugai tubudao mwalomwalowoidi yadi haugaena na ilalaomane, ginauli maudoina adi oleyaone ehebodine.’
-
|2 Pedro 3:5| Hiya nigele nuwanuwadi hinuwatuwu avivini ebeha mugai Yaubada yana walowena galewa imamahalavane, na niꞌu ainaena Yaubada baleꞌu iyeyemaselene,
-
|2 Pedro 3:6| na mulitai niꞌu ainaena baleꞌu maudoina iꞌabiye yababane Nowa yana hauga ainai.
-
|2 Pedro 3:7| Na Yaubada yana walo ehebonane ainaena galewa yo baleꞌu imwau iliꞌilimanidi ta hihaꞌwahaꞌwa na hauga lauvetala ana ahubena ainai mata igabu vehuludi, yo tauyababao imutudi.
-
|2 Pedro 3:8| Augeluwo, ehebo ginauli amnuwatuwu avivini, ebeha Bada ainai ahubena ehebo dova bolimai 1000 alidai, na bolimai 1000 ainai dova ahubena ehebo.
-
|2 Pedro 3:9| Hesi tupwadi tomowa yadi nuwatuwu pwano hiwalo, ‘Bada yana waloyemidi inuwapwanopwanowenaꞌo ta mata nigele iyapaihowaidi’. Nigele iyabwedabweda na hesi iꞌalama iꞌita na ihaꞌwahaꞌwaigita ebeha maudoida tanuwabui, ta havena teya igabagabaei.
-
|2 Pedro 3:10| Eeta Bada yana lauvetala ana ahubena mata yana laoma dova tauꞌaivavali na iveꞌaluwagavaigita. Ta galewa isawali mayana alapwahi mwalaꞌina yo ginauli maudoidi galewai aiwa alaꞌalahina ainaena iꞌala yesawalidi, yo hinage baleꞌu ta ginauli maudoidi holanai himiyamiya iꞌalaye hisawalidi.
