Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Карақалпақ тилиндеги Мухаддес Китап 
-
|Abdias 1:1| Бул Обадияның көрген аяны. Қудай Ийе Эдом ҳаққында бул сөзлерди айтты.Жаратқан Ийеден хабар еситтик. Халықларға жиберилген хабаршы: «Келиңлер, Эдомға урыс ашайық!» — деди.
-
|Abdias 1:2|«Ҳәй, Эдом, сени халықлар арасында ҳәлсиз қыламан, Сен оғада жеркенишли боласаң.
-
|Abdias 1:3|Жартастың қуўысларында жасап, Үйлериңди бийиклерге қурдың, Жүрегиңдеги менменлик сени алдады. Өзиңше: „Ким мени жерге түсире алады?“ — дедиң.
-
|Abdias 1:4|Бүркиттей жоқарыласаң да, Уяң жулдызлар арасында болса да, Ол жерден төменге түсиремен сени», — деди Жаратқан Ийе.
-
|Abdias 1:5|Жаратқан Ийе былай дейди: «Уры ҳәм қарақшылар түнде келсе, Тек ғана өзлерине керегин алмай ма? Жүзим теретуғынлар бағыңа кирсе, Азғантай болса да, жүзим қалдырмай ма? Бирақ сен толық набыт боласаң.
-
|Abdias 1:6|Эсаўдың әўлады — Эдом, Сениң ҳәмме нәрсең талан-тараж қылынатуғыны соншелли, Ҳәттеки, жасырын ғәзийнелериң де табылып, тартып алынады.
-
|Abdias 1:7|Барлық аўқамласларың саған қарсы шығып, Сени өз жериңнен қуўып шығарады. Келисим дүзгенлериң сени алдап, жеңилиске ушыратады, Наныңды жегенлер саған дузақ қурады, Ал сен буны билмей қаласаң».
-
|Abdias 1:8|Жаратқан Ийе былай дейди: «Сол күни Эдомның дана адамларын, Эсаў таўлы үлкелериндеги ақыллы адамларды жоқ қыламан.
-
|Abdias 1:9|Ҳәй, Теман, сениң жаўынгерлериң қорқынышқа түседи, Эсаў таўлы үлкелериндеги ҳәр бир адам жоқ қылынады.
-
|Abdias 1:10|Туўысқаныңа, яғный Яқыпқа, Ислеген жаўызлықларың ушын шерменде болып, Мәңгиге жоқ боласаң.
