Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
|2 Corintios 12:1| Лӓӓзым ӱӱнейим, макар ки йок бундан файда. Шинди гечерим Саабидӓн гӧрмеклерӓ хем ачыкламаклара.
-
|2 Corintios 12:2| Таныйэрым бир адамы, ким инанӂы Христоза. О йакын ондӧрт йыл геери — гӱӱдейлӓн ми, гӱӱдесиз ми, билмеерим, Аллах билер — алынды ӱчӱнӂӱ гӧкӓдӓн.
-
|2 Corintios 12:3| Билерим, ани бу адам — гӱӱдейлӓн ми, гӱӱдесиз ми, билмеерим, Аллах билер —
-
|2 Corintios 12:4| алынды рай ичинӓ да ишитти ӧлӓ сӧзлӓр, ани йок ниӂӓ аннатмаа инсан дилиндӓ, ани доору олмаз, инсан сӧлесин.
-
|2 Corintios 12:5| Бутӱрлӱ адамнан ӱӱнеӂӓм, ама кендимнӓн ӱӱнмейеӂӓм, йуфкалыкларымдан каарӓ.
-
|2 Corintios 12:6| Еер истӓрсейдим ӱӱнмӓӓ, олмайаӂам акылсыз, зерӓ доору лафедерим, ама сакынэрым, ки биркимсей беним ичин таа чок санмасын, некадар гӧрер хем ишидер бендӓн.
-
|2 Corintios 12:7| Ки кабармайым бу ачыкламакларын чоклуундан, бана бир тикен батсын гӱӱдемӓ, верилди, шейтанын хаберӂиси, ки йумурукласын бени, кабармайым дейни.
-
|2 Corintios 12:8| Ӱч керӓ дуа еттим Саабийӓ, ки бундан куртулайым.
-
|2 Corintios 12:9| Ама О деди бана: «Етӓр Беним иивергим сенин ичин, зерӓ Беним куведим таманныкта гӧстерилер йуфкалыкта». Онуштан бӓн таа хавезлӓн ӱӱнеӂӓм беним йуфкалыкларымнан, ки Христозун куведи беним ӱстӱмдӓ булунсун.
-
|2 Corintios 12:10| Онуштан хошлук булэрым йуфкалыкта, ашааланмакта, зорлукта, кооламакта хем сыкынтыда Христоз ичин. Зерӓ, ачан йуфкайым, озаман бӓн каавийим.
