Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
Баалантылар клиседӓ
-
|1 Timoteo 5:1| Ихтӓры 5 серт азарлама, ама насаат вер она, ниӂӓ бобана. Насаат вер генч адамнара, ниӂӓ кардашларына;
-
|1 Timoteo 5:2| ихтӓр карылара, ниӂӓ анана; генч карылара, ниӂӓ кызкардашларына, бӱтӱн паклыклан.
-
|1 Timoteo 5:3| Хатыр гӱт дул карылара, ани хакына кимсейсиз.
-
|1 Timoteo 5:4| Ама еер бир дул карынын варса ушаклары еки унукалары, оннар ӱӱренсиннӓр Аллахын йолунда гитмӓӓ, илкин кенди айлесинӓ йардым етсиннӓр, иилик чевирсиннӓр ана-бобаларына, зерӓ буну Аллах беенер.
-
|1 Timoteo 5:5| Дул кары, ани хакына кимсейсиз хем йалныз калмыш, умудуну Аллаха койэр хем геӂӓ-гӱндӱз дурмамайӂа Она йалварэр хем дуа едер.
-
|1 Timoteo 5:6| Ама дул кары, ани кендини верер сефалык сӱрмейӓ, таа йашаркан, ӧлӱдӱр.
-
|1 Timoteo 5:7| Бу ишлери оннара аннат, ки маанасыз табеетли олсуннар.
-
|1 Timoteo 5:8| Еер биркимсей кенди йакыннары ичин, маасуз кенди айлеси ичин заамет гӱтмӓрсейди, о инаны инкӓр етмиш да таа бетердир, некадар бир инансыз.
-
|1 Timoteo 5:9| Ки ады дуллар листасына йазылсын, дул кары лӓӓзым олсун алтмыш йашындан йукары, бир коӂайлан евленмиш,
-
|1 Timoteo 5:10| ии ишлери ичин билинӓн, ушак бӱӱтмӱш, мусаафир каблетмиш, Аллахын айоз халкынын айакларыны йыкамыш 6, сыкынтыда оланнара йардым етмиш хем чалышканныклан хертӱрлӱ иилик йапмыш.
