Tu Palabra

Hebreos

  • 1

    |Hebreos 7:1| Piya, Meyokisete, Saremi kumatasa waꞌega, aeba ima minta tabe Kotiwama mpono kiye yagara mintantiye. Pigoya, paipa Abaraꞌamuba wama mabisa waꞌega kama kinaꞌwapa iyeguma igarubakaite aꞌwae puma waꞌeri kanaogana, Meyokisete aeba keꞌi uma pabuma aꞌmu potantiye.
  • 2

    |Hebreos 7:2| Aꞌmu potaogana, Abaraꞌamuba aꞌyaꞌmaenawapisaba aisuma nayataraꞌmu pogana age ka maeta maeta puma Meyokisetepa amintiye. Piya, Meyokisete nkage aꞌwae puma tae kamanapisa: Arupuyenama nkwaꞌegawe, yune. Pigoya, aeba Saremi kumatasa waꞌega miyoga, pi nkageba tae kamanapisa: Paruyenama nkwaꞌegawe, yune.
  • 3

    |Hebreos 7:3| Piya, aeba ano aba kampa minta, abigutasa yagara miyegina, maꞌatantaꞌenawape purikenaenawape kampa waiyegina, aeba Koti Ntagara kanta puma mima mono kiye yagara miyaba miye.
  • 4

    |Hebreos 7:4| We, tigeba Meyokiseteka napiyiyo. Aeba taberakaꞌyane. Piya, tayabama Abaraꞌamuba maꞌenabisa kota maema aisuma nayataraꞌmu pogana age ka maeta maeta puma Meyokisetepa amintiye.
  • 5

    |Hebreos 7:5| Pigoya, Aribai ntagarakiꞌnupa mono kiye kinaꞌmi ntugamana mpaeya kinaꞌmika, Isureyo kinaꞌmintana nayataraꞌmu pogana age ka maeta maeta piyoma, ago kamanaꞌama uwaitantiye. We, Aribai kinaꞌmibe aꞌyaꞌma to Isureyo kinaꞌmibe igeba Abaraꞌamupisa aboranta, ka tune. Piya, Aribai kinaꞌmiba iyoꞌmitasa igewaintanaba maeyawe.
  • 6

    |Hebreos 7:6| Pigoya, Meyokisete ige tupipa kampa aboranta, maruꞌenaba Abaraꞌamuntanaba age ka maeta puntiye. Eya, Meyokisete aeba Koti kamana otanti ntagaramapisa age ka maeta pumagina aꞌmu potantiye.
  • 7

    |Hebreos 7:7| Piya, taeba ago abintune: Asugasima mintiꞌna aeba amentapinti mintiꞌnapa aꞌmu potaye. Eya, Meyokisete asugasima mintiꞌnawe.
  • 8

    |Hebreos 7:8| We, ibantoba purikibe mono kiye kinaꞌmiba age ka maeta maeta pewe. Paipa Meyokisete age ka maeta puntiꞌna, aeba miyaba mikena yagaramawe, iye.
  • 9

    |Hebreos 7:9| Piya, ibaba Aribai tupisa mono kiye kinaꞌmiba age ka maeta maeta pewe. We: Aribai, aeba Abaraꞌamu nkayapisa marupa Meyokisetepa menkamogana age ka maeta puntiye, yompesinta, kanara yompesine.
  • 10

    |Hebreos 7:10| Eya, Aribai kampa maꞌatantogana, Meyokisete Abaraꞌamuti aborantogana, Aribai aeba atawampa Abaraꞌamu nkayapisa age ka menkamintiye. Kasa mono kiyerempa marusaenama mparu maentiye


COOKIES

Usamos cookies para brindarle una mejor experiencia, mejorar el rendimiento, analizar cómo interactúa en nuestro sitio web y personalizar el contenido. Al utilizar este sitio web, acepta el uso de cookies.

Datos Esenciales

Se necesitan datos esenciales para ejecutar el sitio web que está visitando. No puede deshabilitarlos.

Assim Diz o SENHOR a Todos os Povos

 

 

 

© 2026 Tu Palabra