Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Gálatas 5:1| Pigoya, igaꞌna kampa pusanaga Karaisiti aeba akariyobatatantiye. Pika tigeba asima esegi puma igaꞌna ubutitakenaenama nkametapintiba toba kakeba a-mpiyiyo.
-
|Gálatas 5:2| Pigoya, nae Porona, urimekiri abiyo: Tigeba ago kamana wasima araꞌenawapa titipa maekibepa, Karaisiti ntugaba kampa tiyoꞌmaekiye. Kampaye.
-
|Gálatas 5:3| Piya, aꞌyaꞌma ti kasakena araꞌena maeya kinaꞌmitaba, naeba to kakema urimekiri abiyo: Piya, ka akayukibepa ago kamanaꞌama kampa kanara tiyoꞌmaekiye, urimuwe.
-
|Gálatas 5:4| Piya, tigeba ago kamanaꞌama ntugarasa arupuyena aguyosaga kinaꞌmitipa, Karaisititi aꞌyigititantine. Eya, Koti nkawagaenabisa wareꞌna wantane.
-
|Gálatas 5:5| Piya, taeba Awamusaꞌama nkesegiyenarasa tamatiti puma Koti arupu puratakenaenagaba aobi pune.
-
|Gálatas 5:6| Piya, Karaisiti Isuti atokaeyompepa tau kasakenaenawo, kampa kasakenaenawo, pipa uwaenawe. Piya, aeti agu kaoꞌena puma tamatitiꞌenamaba auꞌwapa aborama tagantana piye.
-
|Gálatas 5:7| Pigoya, tigeba mono kita agobima aogima nasintawe. Taga wasikenaenarapa ke akutitagiri tikabitawe, a.
-
|Gálatas 5:8| We, tiba puritantiꞌnaba pi ntapiyenaba kampa aborarimiye. Kampaye.
-
|Gálatas 5:9| Piya, uwaenanto abararamipa aꞌyaꞌma abararawaewaye.
-
|Gálatas 5:10| Pigoya, Waꞌegawama tiyoꞌmaeyamikaba naeba namatiti pekiri, nae napiyenaba tigeba aegaꞌmagiri, to ka napiyenaba kampa aegarakibewema, napiyuwe. We, tibaibemi ntagarama nkagegaꞌeba kampa abokana, Kotiba antotaꞌenaba amikiye.
